АР-м и Лъэпкъ музей ищагу гъатхэр къызщихьэгъэ мафэм чъыгхатэм игъэтIысхьан щаублагъ.

Мыекъопэ къэралыгъо технологическэ университетым, Политехническэ колледжым якIэлэегъаджэхэр, яеджакIохэр, музеим щылажьэхэрэр, шIэныгъэлэжьхэр Iофтхьабзэм хэлэжьагъэх. «Черкес чъыгхатэхэр – чъыгхэтэкъэгъэкIыным ианахьыжъыхэм ащыщых. Адыгэхэр ячIыгу дахэу, кIэракIэу щытыным сыдигъокIи кIэ­хъопсыщтыгъэх ыкIи мафэ къэс, лIэужхэм зэIэпахызэ, яхъопсапIэ къыздагъэхъущтыгъэ», — къыщыхагъэщыгъ музеим иIофышIэхэм ягущыIэ. Апэрэ чъыгхатэр илъэс 75-кIэ узэкIэIэбэжьмэ музеим щагъэтIысхьэгъагъ. Ащыгъум музеир зыдэщытыгъэ чIыпIэжъэу ура-мэу Первомайскэм тетыгъэм ищагу ар зыдэтыгъэр. Ипащэу Азэмэтэ Минкъутасрэ музеим иIофы­шIэхэмрэ яшIуагъэкIэ Мыекъуа­пэ игупчэ ит щагушхом, иинагъэкIэ гектарым ехъурэм, адыгэ чъыгхатэ къыдэтэджэ­гъагъ. Непэ, Лъэпкъ музеир загъэ­кIэжьым, ижъырэ пхъэшъхьэ- мышъхьэ адыгэ чъыгхатэ щагъэ­тIысхьаным иамал щыIэ хъугъэ. ГъэтIысыжьхэр къязытыгъэ­хэр адыгэ чъыгхэтэкъэгъэкIынымкIэ шIэныгъэ куухэр зыIэкIэ­лъэу, МКъТУ-м и Политехническэ колледж икIэлэегъаджэу Къудаикъо Нурет. АгъэтIысхьагъэхэм ащыщых шхъомч IэшIур, мыIэрысэ лъэпкъ зэфэшъхьафитIу, зэе чъыгхэр, кавказ хъурмэр, нэужым къу­жъыр щагъэтIысхьащт.

Сурэтхэр: АР-м и Лъэпкъ музей.