Джэджэ районым икIэлэцIыкIу спорт еджапIэ иапэрэ пэщагъэу Николай Тищенкэм ишIэжь фэ­гъэхьыгъэ волейболымкIэ зэнэ­къокъухэр я 11-у рагъэкIокIыгъэх. Зэнэкъокъухэм Адыгеим икъэ­лэ шъхьаIэ, Джэджэ, Кощхьэблэ, Красногвардейскэ ыкIи Мыекъопэ районхэм ябзылъфыгъэ команди 7 ахэлэжьагъэх. 2006-рэ илъэсым къэхъугъэхэр ыкIи ахэм анахьыкIэхэр арых зызыушэтыгъэхэр. Зэнэкъокъухэр гъэшIэгъонэу кIуагъэх, командэхэм ухьазырыныгъэ дэгъу къагъэлъэгъуагъ. Чемпион хъу­гъэ Мыекъопэ спорт еджапIэу N 1-р. ЯтIонэрэ чIыпIэр Красногвардейскэ районым иволейболисткэхэм къыдахыгъ, ящэ­нэрэ хъугъэх Мыекъопэ районым илIыкIохэр. ХагъэунэфыкIырэ чIыпIэхэр къыдэзыхыгъэхэм тын зэфэ­шъхьафхэр ыкIи Тищенкэхэм яунагъо ишIухьафтынхэр афа­гъэшъошагъэх.