Урысые зэнэкъокъум ифинал едзыгъоу Москва щыкIощтым хэлэжьэнхэм мыекъопэ гандболисткэхэр фэбанэх. Адыгэ Республикэр къэзыгъэлъа­гъохэрэр спорт еджапIэу С.М. Джэнчатэм ыцIэ зыхьырэм зыщызыгъасэхэрэр ары. Тренер-кIэлэегъаджэу Евгений Поповыр зипэщэ командэм хэтых 2010-рэ илъэсым къэхъугъэ пшъашъэхэр. Джырэ уахътэм ехъулIэу путевки 4-м команди 6 афэбанэ. Апэрэ зэIукIэгъуитIоу тигандболисткэхэм яIагъэхэр ащIуахьыгъэх, Краснодар краим (пчъагъэр — 17:26) ыкIи Самарскэ хэкум (20:28) ялIыкIохэр нахь лъэшыгъэх. Ау ящэнэрэ ешIэгъум тикомандэ текIоныгъэр къыщыдихыгъ, Приморскэ краим 32:10-у къышIуихьыгъ. Адыгеим игандболисткэхэм джыри зэIукIэгъуитIу яIэщт, Москва ыкIи Волгоград хэкум ялIыкIохэм адешIэщтых. Мы мафэхэм яхъулIэу тикомандэ я 4-рэ чIыпIэм щыт. Командэхэр зыдэщыт чIыпIэхэр ыкIи очко пчъагъэу рагъэкъугъэр: 1. Самарскэ хэкур-3 — 6. 2. «Академия гандбола-1» — 6. 3. Москва-1 — 3. 4. Адыгэ Республикэр – 2. 5. Спорт еджапIэу «Динамо» — 1. 6. Приморскэ краир – 0.