Хабзэ зэрэхъугъэу, адыгабзэмрэ тхыбзэмрэ я Мафэ ипэгъо­кIэу Адыгэ къэралыгъо уни­верситетым илъэпкъ факультет дунэе Iофтхьабзэу «Адыгэ диктант» зыфиIорэр зэхещэ. Мы илъэсым ар я Vl–у гъэт­хапэм и 12-м ат­хыщт, мафэм сыхьатыр 1-м ра­гъэжьэщт.

ШIоигъоныгъэ зиIэхэр АКъУ-м адыгэ филологиемрэ культурэмрэкIэ ифакультет, урамэу Пушкиным ыцIэ зыхьырэм иунэу N 260-м, рагъэблагъэх. Онлайн шIыкIэм тетэу зытхынэу фаехэм апае эфир занкIэ щы­Iэщт, университетым иютуб канал мы ссылкэмкIэ ихьанхэ алъэ­кIыщт: https://www.youtube.com/watch?v= C2tGLMAvoRk ШIокI имыIэу лъэкъуацIэр кIэтхэгъэнэу щытэп, зыкъэзыгъэлъэгъонэу фэмыехэм зыфэе цIэр ратхэн алъэкIыщт, зэкIэми унэе кодхэр афашIыщтых. Анахь дэгъоу тхагъэхэм ацIэхэр къыраIощтых. Зэрэптхыщт ыкIи зэрауплъэкIужьыщт шIыкIэхэр тхэныр рамыгъажьэзэ къэтIотэщт. Диктант Iэпэрытхым техыгъэ сурэтыр къыздэб­гъэхьыщт электроннэ почтэр: shed_1982@mail.ru Диктантыр зэритхыгъэр къэзыушыхьатырэ тхылъ фаем мы ссылкэмкIэ зыкъерэгъэнаф: https://forms.yandex.ru/cloud/65cb28bf3e9d0801dba2d713/ УпчIэ зиIэхэр мы телефоным теонхэ алъэ­кIыщт: 8(961)8284063.

Сурэтыр: факультетым ихъарзынэщ.