Урысые Iофтхьабзэу «Нарисуй защитника Отечества» зыфиIорэм фондэу «Хэгъэгум иухъумакIохэр» хэлэжьагъ. Ар Хэгъэгум иухъумакIо и Мафэ ихэгъэунэфыкIын къыдыхэлъытэгъагъ.

Зэнэкъокъум имурадыр лIыхъужъхэм яшIэжь гъэлъэпIэгъэныр ыкIи хэу­шъхьафыкIыгъэ дзэ операцием ихъугъэ-шIагъэхэр шъыпкъагъэ хэлъэу къи­IотыкIыгъэнхэр, къызэтегъэнэгъэнхэр, патриотизмэр ыкIи гушхоныгъэр ахэлъэу, ветеранхэм шъхьэ­кIафэ афашIэу къыткIэхъухьэрэ лIэужхэр пIугъэнхэр ары. Илъэсищым къыще­гъэжьагъэу 17-м нэс зыныбжьхэу Урысыем ­щы­псэухэрэр Iофтхьабзэм хэлэжьагъэх. фондым ишъо­лъыр къутамэу Адыгеим щыIэм сурэт­шIыгъэ 400-м ехъу къы­IэкIэхьагъ. Ахэм ащыщэу IофшIэгъи 132-у зэнэкъо­къум икомиссие къыхи­хыгъэхэр къэгъэлъэгъоным хагъэхьагъэх. Фондым игукъэкIыкIэ къэгъэлъэгъонхэр искусствэхэмкIэ Адыгэ респуб­ликэ колледжэу У. Тхьабысымэм ыцIэ зыхьырэм, искусствэхэмкIэ кIэлэцIыкIу еджапIэу N 1-м ыкIи кIэлэцIыкIу художественнэ еджапIэм къа­щы­зэ­Iуа­хыгъэх. СурэтшIыгъэ пэпчъ ныбжьыкIэ цIыкIу­хэм ягуфэбагъэ ыкIи яегу­гъуныгъэ къахэщыгъ.