«Локобаскет — Школьная лига» зыфиIорэ зэнэкъокъум ишъолъыр едзы­гъо Мыекъуапэ щыкIуагъ. 2023 ­— 2024-рэ илъэсхэм къадыхэлъытэгъэ ешIэгъу-хэр гъэшIэгъоныщтхэу зэхэщакIохэм алъытэ. Адыгеим имуници­палитети 5-мэ къарыкIыгъэ командэхэр ары мызэгъэгум зэнэкъокъугъэхэр. Республикэм икъэлэ шъхьаIэ испорт еджапIэу В.С. Максимовым ыцIэ зыхьырэм зыщызыгъэсэрэ пшъашъэхэми ыкIи кIалэхэми зэ­нэ­къокъум текIоныгъэр къащыдахыгъ. КIалэхэм язэIукIэгъухэр гъэшIэгъонэу кIуагъэх. Финалым щызэIукIагъэх Мыекъуапэрэ Красногвардейскэ районым икъуаджэу Хьатикъуаерэ якомандэхэр. Апэ­рэхэр нахь лъэшыгъэх, зэIукIэ­гъур 55:24-у аухыгъ. Пшъашъэхэр пштэмэ, финалым щызэдешIагъэх республикэм икъэ­лэ шъхьаIэрэ Мыекъопэ рай­онымрэ якомандэхэр. Мыщи мыекъуапэхэр нахь щылъэшыгъэх, 33:25-у зэIукIэгъур къахьыгъ. Турнирым иешIэкIо анахь дэгъоу зэхэщакIохэм къыхахыгъэхэр Мыекъуапэ къэзыгъэлъэгъогъэхэ Олег Шпакрэ Алина Мартышевскаямрэ.