Спортым имастер хъугъэх
Художественнэ гимнастикэмкIэ Урысые зэнэкъокъухэу Москва щыкIохэрэм Адыгэ Республикэр къыщагъэлъагъо спортым имастер хъунхэмкIэ кандидатхэу Анна Алексеевам, Дарья Ларионовам, Милана Матевосян, Василиса Гарбузовам, Карина Сильченкэм, Арина Щербаневам. А нэбгыри 6-м спортым имастер хъунхэмкIэ шапхъэхэр агъэцэкIагъэх.
Зэфэхьысыжьхэм къызэрагъэлъэгъуагъэмкIэ, спорт еджапIэу В. С. Максимовым ыцIэ зыхьырэм зыщызыгъасэхэрэм купхэм язэнэкъокъу я 37-рэ чIыпIэр къыщыдахыгъ, ау балл 54-у рагъэкъугъэм ишIуагъэкIэ УрысыемкIэ спортым имастер хъугъэх. Пшъашъэхэр зыгъасэхэрэр спортымкIэ мастерэу Яна Цехановичрэ Яна Кострэ.
2016-рэ илъэсым щегъэжьагъэу тигимнасткэхэр мы гъэхъагъэм фэкIуагъэх. Ордэунэу Ирина Винер ыцIэ зыхьырэм щыкIорэ зэнэкъокъухэр гъэтхапэм и 2-м нэс рекIокIыщтых. Типшъашъэхэм ыкIи ахэм ятренерхэм гъэхъэгъэшIухэр ашIынхэу афэтэIо.