Физическэ культурэмкIэ ыкIи спортымкIэ къэралыгъо къулыкъум игъэIорышIапIэ загъэпсыгъэр илъэси 100 зэрэхъурэм фэгъэхьыгъэу УФ-м спортымкIэ и Министерствэ июбилейнэ медальхэр зыщаратыжьыгъэхэ зэхахьэ тыгъуасэ Мыекъуапэ щыкIуагъ. Республикэ зэнэкъокъоу «Адыгеим испортсмен ыкIи итренер анахь дэгъухэр» зыфиIорэм текIоныгъэ къыщыдэзыхыгъэхэр ащ щагъэшIуагъэх. Iофтхьабзэм хэлэжьагъэх Урысыем и ЛIыхъужъэу Цэй Эдуард, общественнэ организациеу «Адыгеим и Олимпийскэ совет» зыфиIорэм ипрезидентэу Джарымэкъо Юсыф, СССР-м изэнэкъо­къухэм ячемпионэу ыкIи хагъэ­унэфыкIырэ чIыпIэхэр къащыдэзыхыгъэу, спортымкIэ дунэе класс зиIэ мастерэу КIуае Хьазрэт, Олимпиадэм джэрз медаль къыщызыхьыгъэу, УФ-м изаслуженнэ тренерэу Емыж Арамбый, АР-м физическэ культурэмкIэ ыкIи спортымкIэ и Комитет итхьаматэу Дэгужъые Мурат, нэмыкIхэри. Физическэ культурэмкIэ ыкIи спортымкIэ къэралыгъо къулы­къум игъэIорышIапIэ загъэпсыгъэр илъэси 100 зэрэхъурэм фэгъэхьыгъэ юбилейнэ медалыр афагъэшъошагъ: Адзынэ Алый, Асэкъалэ Рустам, Беданэкъо Рэмэзан, Барцо Аскэр, Беда­нэкъо Заур, Бгъуашэ Айдэмыр, Алексей Войновым, Джарымэкъо Нурбый, Джарымэкъо Юсыф, Емыж Арамбый, Чыр­жьын Мухьарбый, КIуае Хьазрэт, Александр Ким, Мэрэтыкъо Сахьидэ, Елизавета Ошурковам, Валерий Пономаренкэм, Сихъу Аскэрбый, ЛIынэ Нурбый, Хьасанэкъо Мурат, Хьабэхъу Адам.

УФ-м спортымкIэ иминистрэ ирэзэныгъэ тхылъкIэ къыхагъэщыгъэх: Александр Ким, Юрий Гороховыр, ГъукIэлI Светланэ.

Джащ фэдэу Урысыем спортымкIэ имастер зэрэхъугъэхэр къэзыушыхьатырэ тхылъхэр зэратыжьыгъэхэм ащыщых: Елизавета Арчибасовар, Даниил Широковыр, ЩашIэ Рустам, Шэуджэн Адам, Чэмбэхъу Анзор, Гъомлэшк Анзор, ЦIыкIу Рэмэзан, Хьакъуй Анзор, Хьакъуй Амир, Мэлгощ Адам. Спортсмен анахь дэгъуипшIым ахэфагъэх: Кристина Морозовар, Даур Къадырбэч, Гюнель Мартыновар, Елизавета Арчибасовар, Беданэкъо Заур, Елизавета Ошур­ковар, Елена Ермолинар, Анастасия Кравцовар, СтIашъу Мамыр, Юлия Башмаковар.

НыбжьыкIэ­хэмкIэ къаха­гъэ­щыгъэх: Таисия Чуренковар, Хьатит Мурат, Владислав Подзвездовыр, Гъомлэшк Анзор, Пако Астемир, Артем Горловыр, Мушег Баяндурян, Нэхэе Рэмэзан, Ордэкъо Астемир, ЩашIэ Рустам.

Тренер анахь дэгъуипшIыр: НэмытIэкъо Аскэрбый, Василий Есиныр, Алексей Войновыр, Беданэкъо Байзэт, Георгий Гуляйченкэр, Сергей Сухановыр, Сергей Алифиренкэр, Делэкъо Адам, НатIэкъо Шумаф, Евгений Хабибулиныр.

Джащ фэдэу лъэныкъоу «Прорыв года» зыфиIорэм къыщыхагъэщыгъэх: Наш Расул, Мария Притула, Кристина Левичевар ыкIи тренерхэу Карлен Восканян, Хьагъур Хьилым, Джарымэкъо Рустам. КIарэ Фатим.