Унагъом и Илъэсэу УФ-м и Президен­тэу Владимир Путиныр кIэщакIо зыфэхъугъэм къыдыхэлъытэгъэ Iоф­тхьабзэхэр Адыгеим щырагъэкIокIых.

Мэзаем и 20-м Адыгэ Республикэм исурэт къэгъэлъэгъуапIэ «Жанр портрета в произведениях художников Адыгеи» зыфиIорэ къэгъэлъэгъоныр къыщызэIуахыгъ. Живописым ыкIи графикэм, бгъэфедэн плъэкIыщт искусствэм яхьылIэгъэ сурэти 100-р Адыгэ Республикэм культурэмкIэ и Министерствэрэ сурэт къэгъэлъэ­гъуапIэмрэ яфондхэм къа­хэхыгъ. Iофтхьабзэм къыщыгущыIагъэх сурэт къэгъэ­лъэ­гъуапIэм ипащэу, Адыгеим инароднэ сурэтышIэу Бырсыр Абдулахь, Къо­кIыпIэм щыпсэурэ лъэпкъхэм яискусствэкIэ Къэралыгъо музеим и Темыр-­Кавказ къу­тамэу Мыекъуа­пэ щыIэм ипащэу ШъэуапцIэкъо Аминэт, нэмыкI­хэри. Бзылъфыгъэм унагъор идунай. ЦIыфлъэпкъыр лъызыгъэкIотэрэ бзылъфыгъэм идунай, ащ ыгу щы­шIэрэр, изэхашIэ зызэ­рэзэблихъу­рэр, ыгу зы­гъэцIыкIурэр, насыпышIо зышIырэр къизыIотыкIырэ сурэтхэр къэгъэлъэгъуапIэм щызэхэугъоягъэх. Бзылъфыгъэм щыIэныгъэр лъигъэкIуатэзэ, ылъэ тыри­гъэуцорэ сабыим ищыIэныгъэ гъогу нэгум къыкIагъэуцо. Унагъом исхэм, ахэм язэ­фыщытыкIэхэм, а пстэуми бзылъфыгъэр зэрялъа­псэр сурэтхэм апхыры­щыгъ. Iофтхьабзэр гъэтхапэм и 10-м нэс Мыекъуапэ щыкIощт. Искусствэр зы­шIогъэшIэгъонхэр зэхэщакIохэм рагъэблагъэх. Лъэпшъыкъо Фатим. Сурэтхэр: Артур Лаутеншлегер.