Мэкъумэщ хъызмэтым епхыгъэ Iофыгъохэм афэгъэхьыгъагъ АР-м и Къэралыгъо Совет — Хасэм ипащэу Владимир Нарожнэм тхьамэтагъор зыщызэрихьэгъэ зэхэсыгъор.

Ащ хэлэжьагъэх Парламентым ипащэ игуадзэу Цэй Эдуард, зекIонымкIэ, экологиемкIэ ыкIи чIыопсым игъэфедэнкIэ Комитетым ипащэу Евгений Саловыр, АР-м мэкъу-мэщымкIэ иминистрэу Къуанэ Анзаур, Россельхозцентрэм и Къутамэу АР-м щыIэм ипащэу Анна Минаковар, тыкъэзыуцухьэрэ дунаим икъэухъумэнкIэ ыкIи чIыопсым икъэкIуапIэхэмкIэ шъолъыр ГъэIорышIапIэм ипащэу Сергей Колесниковыр, агрохимическэ къулыкъум и Гупчэу «Адыгейский» зыфиIо- рэм ипащэу Шъхьащэкъо Фатимэ. УФ-м ихэбзэихъухьэхэм я Совет мэкъумэщ-гъомылэпхъэ политикэмкIэ, чIыопсым игъэфедэнкIэ ыкIи экологиемкIэ и Комиссиеу Владимир Нарожнэр зыхахьэрэм изэхэсыгъо къы­хэлъхьэгъэн фаехэр ары анахьэу зигугъу ашIыгъэхэр. Мэкъумэщ хъызмэтым ичIыгу­хэм ягъэфедэн ылъэныкъокIэ Iофыгъо шъхьаIэу непэ щыIэхэм ащыщ «севооборотым» ишапхъэ­хэр гъэцэкIагъэ зэрэмыхъухэ­рэр. Ащ фэшI мы лъэныкъом игъэIорышIэн фытегъэпсыхьэгъэ федеральнэ хэбзэгъэуцугъэ щыIэн фаеу Парламентым елъы­тэ, ифэшъошэ джэпсалъэкIэ Гупчэм зыфагъэзэн гухэлъ яI. ЧIыгум мэкъумэщ культурэу халъхьэрэр илъэс къэс зэблэ­хъугъэным мэхьанэ зэриIэр, ащ ишIуагъэ къызэрэкIорэр щыIэныгъэм къыгъэлъэгъуагъ. «Севооборотым» федэ къэзыхьэу чIыгум хэлъхэр къызэтенэн­хэмкIэ, псым, жьыбгъэм яягъэ емы­кIынымкIэ, уц шIоир нахь макIэу къыхэкIэнымкIэ, узхэр къыхэмыхьанхэмкIэ ишIогъэшхо къэкIо. Мэкъумэщ хъызмэтым фэгъэзэгъэ Министерствэм къы­зэрэщаIорэмкIэ, чIыгулэжьхэм культурэу халъхьэрэр зэрэзэ­бламыхъурэм ушъхьагъу шъхьа­Iэу иIэр зэрифэшъуашэм тетэу а лъэныкъом лъыплъэн зэрэщымыIэр ары. Федеральнэ хэ­бзэгъэуцугъэм ар щыгъэнэфагъэмэ Iофхэр нахьышIу хъунхэу ахэми алъытэ. ЧIыгухэм лэжьыгъэшIу къатыным фэгъэхьыгъэ зэхъокIыныгъэу хэбзэгъэуцугъэм фэшIыгъэн фаехэр мы лъэныкъом фэгъэзэгъэ къулыкъухэр къыхигъэлажьэхэзэ Парламентым егъэхьазырых. «Севооборотым» имэхьанэ, ащ ишапхъэхэм ягъэ­цэкIэн лъыплъэщт къулыкъур законым щыгъэнэфэгъэнхэм ар фэгъэхьыгъ. Джащ фэдэу лэжьыгъэ чылапхъэу шъолъырым ищыкIагъэр икъоу къыIэкIэхьаным, ахэр щынэгъончъэнхэм, чылэпхъа­кIэ­хэр республикэм щагъэхьазырынхэм япхыгъэ Iофыгъохэми зэхэсыгъом щатегущыIагъэх. Гъэтхэ IофшIэнхэм апае чIыгу­лэжьхэм ящыкIэгъэщтым ипроцент 76-р ары непэ хьазырыр. Къоджэ псэупIэхэм хэхъо­ныгъэхэр ягъэшIыгъэнхэм фытегъэпсыхьэгъэ программэр Адыгеим зэрэщыпхыращырэми игугъу ашIыгъ. Ащ къыдыхэ­лъытагъэу илъэси 4-м къоджэ псэупIэхэм сомэ миллиарди 5 афэкIуагъ. АщкIэ еджапIэхэр, кIэлэцIыкIу IыгъыпIэхэр, гъогу­хэр, культурэм иунэхэр, псэу­пIэ-коммунальнэ хъызмэтым ыкIи энергетикэм япхыгъэ псэуалъэхэр агъэцэкIэжьыгъэх е кIэу ашIыгъэх. ПстэумкIи псэолъи 150-рэ мэхъу. Зэхэсыгъом зигугъу щашIыгъэхэм джыри Iоф адашIэщт, етIанэ ахэр УФ-м ихэбзэихъу­хьэхэм я Совет изэхэсыгъо Владимир Нарожнэм къыхилъхьащтых.

Ащ хэлэжьагъэх Парламентым ипащэ игуадзэу Цэй Эдуард, зекIонымкIэ, экологиемкIэ ыкIи чIыопсым игъэфедэнкIэ Комитетым ипащэу Евгений Саловыр, АР-м мэкъу-мэщымкIэ иминистрэу Къуанэ Анзаур, Россельхозцентрэм и Къутамэу АР-м щыIэм ипащэу Анна Минаковар, тыкъэзыуцухьэрэ дунаим икъэухъумэнкIэ ыкIи чIыопсым икъэкIуапIэхэмкIэ шъолъыр ГъэIорышIапIэм ипащэу Сергей Колесниковыр, агрохимическэ къулыкъум и Гупчэу «Адыгейский» зыфиIо- рэм ипащэу Шъхьащэкъо Фатимэ.

Гъэстыныпхъэ шхъуантIэр зимыIэхэм афещэлIэгъэныр нахь гъэпсын­кIагъэ зэрэхъущтым Мыекъопэ районым и Дэхъо псэупIэ коим щы­кIогъэ зэхэсыгъом щыхэплъагъэх.

АР-м и Къэралыгъо Совет — Хасэм и Тхьаматэу Вла­димир Нарожнэм ар зэрищагъ. Ащ Парламентым мы районымкIэ идепутатхэр, му­ниципальнэ образованием, псэупIэ коим япащэхэр хэлэ­жьагъэх, цIыфэу щыпсэухэрэри къекIолIэгъагъэх. Iахьзэхэлъ обществэу «Газ­пром межрегионгаз Майкоп» зыфиIорэм ипащэу ЕкъутэкI Ас­лъан гъэстыныпхъэм ылъэныкъокIэ Iофхэм язытет къыщи­гъэгъозагъэх. Ащ къызэриIуа­гъэмкIэ, псэупIи 5-у мы коим хахьэхэрэм адэт унэ 1366-мэ газыр ящэлIагъэп, лъэIу тхы­лъэу къатыгъэр 658-рэ. Ар зищыкIагъэм ипроцент 48-рэ. Программэм фэгъэкIотэнэу къыдэлъытагъэхэм, амалэу къы­тыхэрэм цIыфхэр ащыгъэгъозэгъэнхэмкIэ зэшIохыгъэ хъухэрэм ягугъу ашIыгъ. «Газпром газораспределение Майкоп» зыфиIорэ компанием иинтернет нэкIубгъо мыщ къэбарэу пы­лъыр зэкIэ къырегъахьэ. ГущыIэм пае, программэм къыдыхэлъытагъэу сабыибэ зэрыс унагъохэм, зигъот макIэхэм, нэмыкIэу социальнэу мыухъумагъэхэм гъэстыныпхъэ шхъуантIэр яунэхэм зэрэращэрэм тырагъэкIодагъэм пае компенсациехэр къараты­жьых. Тхылъхэм ягъэхьазырыни нахь къызэрыкIо ашIыгъ. Екъу­тэкI Аслъан къызэриIуагъэмкIэ, компанием иинтернет нэкIубгъо е къэралыгъо фэIо-фашIэхэм япортал ахэр ащатынхэ алъэ­кIыщт, МФЦ-м екIуалIэхэми афагъэпсыщт. Шъугу къэдгъэкIыжьын, «догазификацием» фэгъэхьыгъэ программэм игъэцэкIэн 2022-рэ илъэсым аублагъ, пIэлъэ гъэнэфагъэ иIэп. Урысые политическэ партиеу «Единэ Россиер» ащ кIэщакIо фэхъугъ, УФ-м и Президент къыдыригъэштагъ. Владимир Путиным псэупIэу газыр зыдэщагъэхэм ар зимыIэу адэс­хэм ящагу гъунапкъэхэм ыпкIэ хэмылъэу гъэстыныпхъэ шхъуан­тIэр афынагъэсынэу пшъэрылъ къышIыгъ. ЦIыфхэм ежьхэм яунэ зэрэращэлIэщтымрэ зэрэщызэбгыращыщтымрэ зыпкIэ атырэр. Адыгеир пштэмэ, программэм ишIуагъэкIэ газ зимыIагъэу, лъэIу тхылъ къэзытыгъэхэм ащыщэу мини 8-м ехъумэ ячIыгу гъунапкъэхэм ар афыращэлIагъ, унэ мини 2,8-мэ аращагъ, мыгъэ джыри унэ 876-рэ ащ хагъэхъон гухэлъ яI. НэмыкI гумэкIыгъоу псэупIэ коим иIэхэми нэужым атегущыIагъэх. Къэралыгъо Советым — Хасэм идепутатэу, район сымэджэщым иврач шъхьаIэу Алла Чернышовам медицинэ фэIо-фашIэхэм ягъэцэкIэн, Iэза­пIэхэм икъоу специалистхэр зэ­рямыIэхэм, нэмыкIхэм япхыгъэ упчIэхэр цIыфхэм къыратыгъэх. Ащ имызакъоу поселкэу Каменномостскэм дэт IэзапIэм Iоф щызышIэхэрэм зэрафэра­зэхэри къаIуагъ. ПсэупIэхэм ягъэкъэбзэн, хэ­кIым идэщын, нэмыкIхэми ягугъу ашIыгъ. Дэхъо псэупIэ коим иадминистрацие ипащэу Григорий Бородкиным къызэриIуагъэмкIэ, цIыфхэм чаныгъэу къызхагъэфагъэм ишIуагъэкIэ хэбзэнчъэу ашIыгъэгъэ хэкIитэкъупIэ­хэр Iуахыжьыгъэх, псэупIэхэр къабзэу аIыгъых, чIыпIэм идэхагъэ къызэтырагъэнэшъугъ. Мы коим хэхьэрэ поселкэу Усть-Сахрай дэсхэм псы къа­бзэр икъоу зэраIэкIэмыхьэрэм, щапIэхэм уасэу ачIэлъхэм алъэ­ныкъокIи Iофыгъоу щыIэхэм зэхэсыгъом щатегущыIагъэх. — ЗэIукIэгъур шIуагъэ хэ­лъэу кIуагъэу сэлъытэ. ЦIыф зэхэхьэ шъыпкъэ хъугъэ. Iофыгъоу псэу­пIэ коим иIэхэм шъузэрагъэгумэкIырэм осэ ин фэпшIын тефэ. Ахэр зэкIэ дэгъэзыжьыгъэнхэ фай, тызэдеIэжьзэ Iоф адэтшIэщт, — къызэфихьысы­жьыгъ Владимир Нарожнэм.