Тыгъуасэ къалэу Белгород Ук­раинэм иуIэшыгъэ кIуачIэхэр къеуагъэх. Белгород хэкум ракетэ 14 фэдиз къызэрэщыраутэхыгъэр ащ игубернатор и Телеграм-канал къыщитхыгъ. ЧIыгум лые ехыгъэ зыщыхъугъэ чIыпIэхэр агъэунэфых. ЩэпIэ гупчэм топыщэхэм ащыщ къы­тефагъ, а уахътэм цIыфхэр ащ чIэтыгъэх. Зыхэм сабыйхэр джэгу- пIэм къащагъэх, нэмыкIхэр щафэщтыгъэх. ЩапIэм къызеохэм, нэбгыритф хэкIодагъ, 18-мэ шъобжхэр атещагъэ хъугъэ. Мыхэм кIэлэцIыкIухэри ахэтых. — Киев тетыгъо щызыIыгъхэм ­джыри жъалымыгъэ зэрахьагъ. Пыим джыри мамыр цIыфхэм техэкIо зекIуа­кIэхэр адызэрехьэх. А нэпэнчъагъэр, цIэпIагъэр уухыин плъэкIынэу щытэп. Ащ шIокI имыIэу пщыныжь къыкIэ­лъыкIощт. — Белгород хэкум игубернаторэу Вячеслав Гладковым, хэкIодагъэхэм яIа­хьылхэм сафэтхьаусыхэ, шъобж хэ­зы­хыгъэхэр псынкIэу хъужьынхэу сафэлъаIо, — къыхигъэщыгъ игущыIэ Адыгеим и ЛIышъхьэу КъумпIыл Мурат.