УФ-м и Президент ихэдзынхэм япхыгъэ къэтынхэр къызыщатыщтхэм фэгъэхьыгъэ пхъэдз АР-м хэдзынхэмкIэ и Гупчэ комиссие тыгъуасэ щызэхащагъ. Телерадиокомпаниеу «Адыгеимрэ» «Мыекъопэ телевидениемрэ» ащ хэлэжьагъэх. Мы илъэсым апэрэу Мые­къопэ телевидениер мыщ хэлажьэ, гъэрекIо къыщегъэжьагъэу ащ шъолъыр статус иIэ хъугъэ. ЫпкIэ хэмылъэу эфир уахътэр зэрагощыщтыр, узыгъэгъозэрэ материалхэр къы­зэратыщтхэр агъэнэфагъэх. ЫпшъэкIэ зигугъу къэтшIыгъэ телевиде­ниехэм ялIыкIохэр пхъэдзым хэлэжьагъэх. УФ-м и Президент хъунымкIэ кандидатхэу Владислав Даванковымрэ Владимир Путинымрэ ацIэкIэ ахэм яуполномоченнэхэр хэдагъэх. Кандидатхэу Леонид Слуцкэмрэ Николай Харитоновымрэ яцыхьэшIэгъухэр зэрамыгъэнэфагъэхэм къыхэкIэу ыкIи хэ­бзэгъэуцугъэм къыдилъытэрэ шапхъэхэм адиштэу Елена Майор ахэм ачIыпIэкIэ пхъэ­дзым хэлэжьагъ. ДЕЛЭКЪО Анет.