ТIопсэ районым ит псэупIэу Георгиевскэм щыпсэурэ Кобл зэшыпхъухэм спортым ылъэныкъокIэ гъэхъэгъэшIухэр зэрашIырэм дакIоу, унагъом илъ шэн-хабзэхэри агъэпытэ.

Кобл Руслъанрэ Маринэрэ яунагъо къихъухьэгъэ пшъашъэхэм самбэмкIэ ыкIи дзюдомкIэ лъэгэпIэ инхэм зэранэсыгъэхэр тигъэзет къыхиутыгъагъ. Русетрэ Фатимэрэ зэнэкъокъу зэфэшъхьафхэм ахэлажьэх, текIоныгъэр къащыдахы. Тренерэу Сергей Поповым ыгъасэхэрэм блэкIыгъэ илъэс закъом Краснодар краим ыкIи Къыблэ федеральнэ шъолъырым япервенствэхэм медалитф къащахьыгъ, ахэм ащыщэу щыр — дышъэ. Тренерым зэрилъытэрэмкIэ, ны-тыхэм япшъашъэхэр (зэшъхьэгъусэхэм джыри зы пшъашъэ яI — илъэсиплI зыныбжь Даринэ) тэрэзэу, адыгэ шэн-хабзэхэм адиштэу зэрапIухэрэм ишIуагъэкIэ мыщ фэдэ гъэхъагъэхэр спортым щашIых. Руслъанрэ Маринэрэ ялъфыгъэхэм яшIоигъоныгъэхэмкIэ мэпсэух, ахэм IэпыIэгъу афэ­хъух. Ащ фэдэ екIолIакIэм мэхьанэшхо иI, зэфэхьысыжь дэ­гъухэри фэхъух. Ныбэ Анзор.