Сакъыныгъэр лыеу хъурэп
[caption id="attachment_146095" align="aligncenter" width="800"] АМ[/caption]
Нахь шъхьэихыгъэу къэпIон зыхъукIэ, къэралыгъо IофышIэхэм яинтернет нэкIубгъохэр, социальнэ хъытыухэр, мессенджерхэр къызфагъэIорышIэх. Ащ фэдэ хъугъэ-шIагъэхэр тиреспублики щагъэунэфыгъэх ыкIи ахэм ащыщ шъумыхъуным пае щысэхэр къэтэхьых: 1.НэмыкIхэм шъуазщыфэтхэрэ нэкIубгъохэм, шъуисурэтхэр къызэрыжъугъахьэхэрэм, Телеграмым, Ватсапым ыкIи нэмыкIхэм (Мессенджерхэм), къарыхьанхэ алъэкIы ыкIи яадминистрациехэм ацIэкIэ зыкъышъуфагъэзэшъущт зы хъугъэ-шIагъэ горэ яIэубытыпIэу (гущыIэм пае, сабыир зэнэкъокъум хэлажьэу) шъумакъэ шъутынэу. Ащ пае ахэм шъузэрахэт учетнэ къэбарыр къэжъугъэшъыпкъэжьын фаеу къышъуаIошъущт (гущыIэм пае, «Администратор Телеграм» е джащ фэдэ хьазырэу ыцIэн ылъэкIыщт къышъуфэтхэщтым). НэмыкI сайт шъуихьанышъ, шъуителефон номер ыкIи ащ къэкIощт кодэу Мессенджерым иIэпыIэгъу къулыкъу къышъуфигъэхьыгъэр ишъутхэнэу къышъолъэIушъущтых. 2.Мыщ фэдэ тхыгъэр шъуителефон тетхэгъэ цIыфым ыцIэкIи къышъуфэкIон ылъэкIыщт (ащ фэдэ хъумэ, е ителефон номер къэлъэгъощтэп, е шъо тешъутхагъэм фэдэщтэп). 3.Шъузэджэнджэшырэ тхыгъэ къызышъуIукIэкIэ, нэмыкI шIыкIэкIэ цIыфэу къышъуфэзытхыгъэу итым зыфэжъугъэзэн фае (гущыIэм пае, шъо шъушIэрэ иномеркIэ е зыIужъугъэкIэн фае). 4.Къышъуфэмытхагъэу къызычIэкIыкIэ, ыпэкIэ къышъуIукIэгъэ тхыгъэр зыщыжъугъэгъупш зи фэшъумытхыжьэу, къышъуфэтхэжьын ымылъэкIыжьынэу шъушIы. 5.ЦIэу «Администратор Телеграм» зыфиIорэм е джащ яхьыщырым зыгорэ къызышъуфитхыкIэ, ащ шъуемыдж, къышъуфэтхэжьын ымылъэкIынэу шъушIы (Мессенджерхэм яадминистраторхэр шъуикодхэм, къэбарэу шъупылъым къакIэупчIэнхэу щытхэп). Мы къэттхыгъэм ия 4-рэ ыкIи ия 5-рэ уцугъохэр шъумыгъэцакIэхэмэ, бзэджашIэр шъузфэтхагъэхэм къахэхьашъущт ыкIи шъо шъуцIэкIэ шъуителефон итхэгъэ цIыфхэм афэтхэшъущт. — НэмыкI цIыф шъуи Мессенджер къыхэхьэгъагъэу гуцафэ шъуиIэмэ, Мессенджерым иIофшIэн зыщызэтежъугъэпсыхьэрэ уцугъом шъухэхьанышъ, «Привязанные устройства» зыфиIорэр къызэIушъухын фае ыкIи ащ ишъулъэгъощт къышъопхыгъэ пкъыгъохэр. Ахэм ащыщхэр шъор-шъорэу телефоным ешъумыпхыгъагъэмэ, тежъугъэкIынхэ фае. — ШъумышIэрэ къэкIуапIэхэм приложениехэр егъашIи къарышъумыхых (гущыIэм пае, Мессенджерхэм ащызэхэщэгъэ купхэм, официальнэу щымыт сайтхэм ыкIи нэмыкIхэм), сыда зыпIокIэ бзэджашIэр къарыхьан ылъэкIыщт шъуибанк приложениехэмрэ шъуи Мессенджерхэмрэ. Къэралыгъо IофышIэхэм алъэныкъокIэ гъэпцIэгъэ бзэджэшIагъэ зэрахьан алъэкIы Мессенджерхэр къызфагъэфедэхэзэ. — Къулыкъоу Iоф зыщышъушIэрэм ипащэ (игуадзэхэм, отделхэм/гъэIорышIапIэхэм япащэхэм) ацIэкIэ къышъуфэтхэшъущтых мыщ фэдэ къэбар къышъулъагъэIэсэу: — бэхэр зыщыгъозэнэу щымыт къэбарыр аIэкIэкIыгъэу; — учреждением иIофшIэнкIэ укъоныгъэ хьылъэ шъушIагъэу; — бюджетым/счетхэм афэгъэхьыгъэу бзэджэшIагъэ агъэунэфыгъэу ыкIи шъо къышъогуцафэхэу; — елбэтэу ахъщэр счетэу къышъуаIорэм ижъугъэхьан фаеу ыкIи нэмыкIхэр. Пащэм ымакъэ фэдэу тетхэгъэ къэбархэри къагъэхьышъущтых, ащи шъунаIэ тешъудз (пащэхэр бэмэ ашIэхэу зэрэщытым фэшI ахэм амакъэхэр аIэкIэлъхэу IэрышI нейроннэ сетьхэмкIэ амал яI тыратхэнэу, МессенджеркIэ агъэхьынэу) — Пащэм (е игуадзэхэм отделхэм/гъэIорышIапIэхэм япащэхэм) ыцIэкIэ цыхьэ зыфэшIыгъое къэбарыр къызышъуфакIокIэ, ащ елбэтэу нэмыкI зэпхыныгъэкIэ шъудэгущыIэн фае (гущыIэм пае, шъушIэрэ имобильнэ е къэлэ телефон номерымкIэ, е зыIужъугъэкIэнышъ). КъышъуфэкIогъэ къэбарым зыкъымыгъэшъыпкъэжьыгъэмэ, ащ мэхьанэ ешъумыт, къышъуфэмытхэжьышъунэу шъушIы ыкIи къыгъэхьыгъагъэр тежъугъэкI. — Пащэу (е игуадзэхэу отделхэм/гъэIорышIапIэхэм япащэхэу) зыцIэкIэ агъэхьыгъэхэм ашIэн фаер: Мессенджерым иIофшIэн зыщызэтырагъэпсыхьэрэ уцугъом хэхьанхэшъ, «Привязанные устройства» зыфиIорэр къызэIуахын фае ыкIи ащ ралъэгъощт къяпхыгъэ пкъыгъохэр. Ахэм ащыщхэр ежь-ежьырэу телефоным рамыпхыгъагъэмэ, тырагъэкIынхэ фае. Къыхэгъэщыгъэн фае, корпоративнэ Мессенджерэу «VK Team» зыфиIорэм УФ-м цифрэ хэхъоныгъэмкIэ, зэпхыныгъэмкIэ ыкIи къэбар жъугъэм иамалхэмкIэ и Министерствэ игъусэу агъэпсыгъ Мессенджерэу «Къэралыгъо къулыкъушIэм иавтоматизированнэ IофышIэ чIыпI» зыфиIорэр. Къэралыгъо IофшIапIэхэм аIутхэм ар агъэфедэмэ нахьышIоу къыхагъэщы. !Аужырэ уахътэм цыхьэ умышIэу, сыд фэдэ къэбари ууплъэкIужьымэ нахьышIу, арышъ, илыягъэу шъусакъ.