Мэзаем и 17-м сыхьатыр 11-м Адыгэ Республикэм и Лъэпкъ музей «Илъэс 25-рэ хэгъэхъуагъэу ныбжь хэкIотагъэ зиIэхэм апай» зыфиIорэ фестиваль афызэхащэщт. ЗэхэщакIохэм зэрагъэнафэрэмкIэ, псауныгъэр къэухъумэгъэным фэгъэхьыгъэ зэдэгущыIэгъухэр ащ хэтыщтых. Пенсием щыIэ нэжъ-Iужъхэм япсауныгъэ агъэпытэным иамалхэр аIэкIэгъэхьэгъэнхэм, яшIэныгъэхэм ахэгъэхъогъэным Iофтхьабзэр фэIорышIэщт. Унагъом имэхьанэ къэIэтыгъэным, ащ обществэм чIыпIэу щиубытырэр гъэпытэгъэным япхыгъэ Iофтхьабзэхэр фестивалым къыдыхэлъытагъэх. Лъэныкъуабэм афэгъэхьыгъэ упчIэхэм яджэуапхэм цIыфхэм ямылъку къэу­хъумэгъэным фэшI ашIэн фаем, нэжъ-Iужъхэр зыщылэжьэнхэ алъэкIыщт сэнэхьатхэм яермэлыкъ, сурэтышIхэм ядесэхэм, волонтерхэм зэрахьэрэ Iофтхьабзэхэм нэIуасэ афэшIыгъэнхэр – мыхэм, нэмыкIхэми фестивалым хэлажьэхэрэр атегущыIэщтых. Зэхахьэр концерткIэ пчыхьэм сыхьатыр 4-м аухыщт. Iофтхьабзэм мэхьэнэ шъхьа­Iэу иIэхэм ащыщ нахьыжъхэм шъхьэкIэфэныгъэ зэрафашIырэр зэхашIэныр. Лъэпшъыкъо Фатим.