КIымафэр АдыгеимкIэ ом изытет къэзыгъэпсырэр, зэрэ Урысые фэдэу, хыжь зэфэшъ­хьаф­хэу къепщэ­хэрэр ары. Ащ елъытыгъэуи, рес­пуб­ли­кэм ом изытет нэшэнэ шъхьа­Iэхэр щыриIэх. Адыгеир хы ШIуцIэм, Кавказ къушъхьэхэм ыкIи Прикаспийскэ пшэхъуалъэм апэблагъэу щыс. Мы зэкIэми апкъ къикIэу тичIыопс фабэ, шъабэ, зэтет ыкIи шынэгъакIэ кIэлъ. Ощх-осхэр егъэлыягъэу щымытэу илъэс реным теIэх. КъохьапIэмкIэ жьэу къикIырэм кIымафэм фабэр къехьы. Илъэсым къыкIоцI оялэу къы­хэ­фэрэ мафэхэр 115 — 150-рэ фэдиз, гъушъэ фабэхэр 200-м нахьыб. КIымафэр тиреспубликэ щычъыIэп, осыри ренэу телъырэп. ТичIыопс кIымэфэ уахътэмкIэ ыгъэзэныр шэкIогъум ыкIэм къы­регъажьэ, макIэу фабэр къеIыхы, къыкIигъэщтыхьэу регъажьэ, етIа­ни псынкIэу къэфэбэжьы. Тыгъэ­гъазэм ощхыр осыкIэ къызэ­блехъу, ау щтыргъукIышхо щы­Iэ­рэп, мэфэ зытIущыр, тхьамафэр кIымэфашъоу макIо. Тыгъэгъазэм ыкIэм, анахьэу щылэ мазэм, кIымафэр нахь къызэкIэкIы: осыр къесы, къесы, жьыбгъэр къепщэ, цыкъ-мэкъэу къегъэщты; жьы къэбзэ-лъабзэр джащыгъум уигъат­хъэу зыIуощэ. Мэзаер — аужырэ кIымэфэ маз. Ау мыщ мэфэ фабэхэр нахь къебэкIых; къыIожъукIы, осыри мэткIужьы. Шъыпкъэ, а фэбэ макIэм зыдебгъэхьыхыпэнэу щытэп; мэзаеми шэн зэтетышхо иIэп, нэрэ-Iэрэм зыкъызэблихъунышъ, зыкъигъэупэрэцынышъ, зэрэкIыма­фэр угу къыгъэкIыжьыщт. Ауми, хэти тшIэн фаер кIымафэр зэ­рэкIымафэр пшIэу кIомэ, цIыфхэм япсауныгъэкIи, лэжьыгъэхэмкIи, чIыгум идэгъугъэкIи мэхьанэ зэриIэр ары. Илъэсым иуахътэ пэпчъ ахэбдзын гори ахэмытэу гъэпсыгъэх; уахътэ пэпчъ цIыф цIыкIумкIэ мэхьанэ иI.