Мы спорт лъэпкъымкIэ Урысыем изэнэкъокъухэр мэзаем и 1-м щегъэжьагъэу и 4-м нэс къалэу Вла­ди­восток щыкIуагъэх.

[caption id="attachment_145734" align="aligncenter" width="800"] СШОР Самбо РА[/caption]

Къэралыгъом ишъолъыр зэфэшъхьафхэм къарыкIыгъэ спорт­смен 800 фэдиз первенствэм хэлэжьагъэх. Илъэс 18-м нэс зыныбжь кIалэхэр ыкIи пшъа­шъэхэр ары зызыушэтыгъэхэр. Адыгеим илIыкIохэм медалитIу къахьыгъ. Килограмм 49-рэ къэзыщэчы­хэрэм якуп щыбэнэгъэ Цэй Алый текIоныгъэр къыдихыгъ. Ащ итренерых Джарымэкъо Рустамрэ Азмэтрэ. Джащ фэдэу ящэнэрэ чIыпIэр къыфагъэшъошагъ рес­публикэм испортсменэу Мэлыщ Аскэр. Ар зыгъасэхэрэр Ацумыжъ Зауррэ Наш Шыхьамрэ. Тиспортсменхэм ыкIи ахэм ятренерхэм тафэгушIо, тапэкIи гъэхъэгъэшIухэр ашIынхэу афэтэIо.