Шъолъыр экспорт шапхъэхэм япхырыщынкIэ тиреспубликэ шъолъыр анахь дэгъуипшIымэ ахэхьагъ. Урысые экспорт гуп­чэм къытыгъэ пчъагъэ­хэмкIэ, 2023-рэ илъэсым имэзий изэфэхьысыжьхэмкIэ, къэралыгъом ишъолъырипшIэу Шъолъыр экспорт шапхъэхэу 2.0-м япхы­рыщынкIэ апэ итхэм Адыгеир ахэт. Шъолъыр экспорт шапхъэу 2.0-р — экспортым фэгъэхьыгъэ Iофтхьабзэхэм япхырыщын пэрыохъу имыIэным пае ищыкIэгъэ фэIо-фашIэхэр ягъэгъо­тыгъэнымкIэ Шапхъэу мы Iофыгъор зэшIо­- зы­хышъущтым IэпыIэгъу езыгъэкIырэр ары. ИкIы­гъэ илъэсым ащкIэ щашIагъэм ихьатыркIэ Адыгэ Республикэм мы Шапхъэм ипхырыщын шIуагъэ хэлъэу щау­хыгъ. Лъэпкъ проектэу «Ду­­нэе кооперациемрэ экспортымрэ» зыфи­Iо­рэм къыдыхилъытэрэ фэIо-фашIэхэр зэрэщызэ­шIуахыщтхэм ихьа­тыркIэ республикэм иэкс­порт лъэныкъо дэлэ­жьэ­хэрэ чIыпIэ предпри­нимательхэм ячаныгъэ хэ­гъэхъогъэнымкIэ амалыкIэхэр щыIэ хъущтых, тишъолъыр иэкономикэ зыкъыIэтыным икъэкIуа­пIэ ари хъущт. Рес­пуб­ликэр лъэпкъ проек­тым зэрэхэлажьэрэр тапэкIи зэрэлъигъэкIо­тэщтыр АР-м экономикэ хэхъоныгъэмкIэ ыкIи сатыумкIэ и Минис­терствэ къыщаIуагъ.