Мыекъопэ къэралыгъо технологическэ университетым апэрэу кибер­спорт зэнэкъокъоу «Dota-2» зыфиIорэр щыкIуагъ.

[caption id="attachment_144978" align="aligncenter" width="800"] МКъТУ[/caption]

Онлайн шIыкIэм тетэу апэрэ ешIэгъухэр рагъэкIокIыгъэх, ау финалыр шэмбэт мафэм офлайн шIыкIэм тетэу зэхащагъ. Джэгуным хэлажьэрэмэ афэгумэкIы­хэрэр зэнэкъокъум лъыплъэнхэу амал яIагъ, ащ пае цифрэ экранышхо агъэуцугъагъ, ар университетым хэхъоныгъэ егъэшIыгъэнымкIэ ипрограммэ къыдыхэлъы­тагъэу агъэпсыгъ.

Iофтхьабзэм кIэщакIо фэхъу­гъэх МКъТУ-м цифровизациемкIэ ипроректорэу Дмитрий Игнатовыр, физиологиемкIэ ыкIи патологиемкIэ медицинэ институтым икафедрэ идоцентэу Дмитрий Муженя, техническэ амалхэмкIэ отделым ипащэу Кобл Инал, МКъТУ-м и Аккредитационнэ-симуляционнэ гупчэ илаборантэу Евгений Полищук.

Зэнэкъокъум зэфэхьысыжьэу фэхъугъэр:

I — Olympic Warriors (Медицинэ институтыр); II — MDI (экономикэмрэ гъэ­IорышIэнымрэкIэ факультетыр); III — ITDep (айти департаментыр).

Урысые Федерацием и Президентэу Владимир Путиным зыдыригъэштэгъэ спорт лъэпкъэу хъугъэ киберспортыр. Ащ елъытыгъэу тиапшъэрэ еджапIэ мы спорт лъэпкъым зыщегъэушъомбгъугъэнымкIэ пшъэрылъ гъэнэфагъэхэр зыфигъэуцужьыгъэх, факультетхэм азыфагу зэнэкъо­къухэр щызэхэщэгъэнхэм фытегъэпсыхьэгъэ программэ зэхагъэ­уцощт ыкIи IэпэIэсэныгъэ зыхэлъхэр зыхэхьащтхэ киберспорт командэ зэхащэщт.