КIэлэцIыкIухэр зэнэкъокъум хэлэжьэнхэ алъэкIыщт
Гъогу хъугъэ-шIагъэхэм шъобжхэр ахэзыхыгъэ кIэлэцIыкIухэм IэпыIэгъу языгъэгъотырэ шIушIэ фондэу Наташа Едыкинам ыцIэ зыхьырэм сурэтшIыгъэхэм яя VII-рэ Урысые зэнэкъокъоу «Мой папа и Я за безопасные дороги» зыфиIорэр 2024-рэ илъэсым щылэ мазэм и 22-м къыщегъэжьагъэу мэзаем 26-м нэс зэхещэ.
ГъогурыкIоным ишапхъэхэм афэгъэхьыгъэ Iофтхьабзэр Хэгъэгум иухъумакIо и Мафэ ихэгъэунэфыкIын къыдыхэлъытагъ.
Джащ фэдэу бзылъфыгъэхэм я Дунэе мафэ ипэгъокIэу кIэлэцIыкIу сурэтшIыгъэхэм я Урысые зэнэкъокъоу «Супер мама» зыфиIорэр мы илъэсым мэзаем и 26-м къыщегъэжьагъэу гъэтхапэм и 26-м нэс ригъэкIокIыщт.
Фондым изэхэщэкIо комитет къызэритыгъэмкIэ, кIэлэцIыкIухэр зыхэфэрэ гъогу хъугъэ-шIагъэхэр дэгъэзыжьыгъэнхэм зэнэкъокъухэр фэIорышIэщтых.
Пшъэрылъ шъхьаIэу иIэхэр: гъогурыкIоным ишапхъэхэм ыкIи щынэгъончъэу гъогум зэрэщызекIощтхэм кIэлэцIыкIухэр фегъэджэгъэнхэмкIэ гъэсэныгъэм иучреждениехэм яIофшIэн гъэлъэшыгъэныр; ящыIэныгъэ къызэтенэнымкIэ щынэгъончъагъэм анаIэ тырагъэтыныр; шъхьэкIэфэныгъэ зыхэлъ зекIуакIэхэм яшапхъэхэм ны-тыхэр ыкIи кIэлэеджакIохэр афэщэгъэнхэр; кIэлэцIыкIу гъогу-транспорт фыкъоныгъэхэм яIофыгъохэм ны-тыхэм, общественностым анаIэ тырягъэдзэгъэныр, кIэлэцIыкIухэм ятворческэ сэнаущыгъэ хэхъоныгъэ егъэшIыгъэныр.
Зигугъу къэтшIыгъэ зэнэкъокъухэм илъэси 3 — 14 зыныбжьхэр хэлэжьэнхэу рагъэблагъэх. Материалхэр зыдэжъугъэхьын шъулъэкIыщт электроннэ адресыр: konkurs.pdd@fond-edykina.ru. Къэбарыр нахь игъэкIотыгъэу зэзгъашIэ зышIоигъохэр зэрыхьанхэ алъэкIыщт сайтхэр:
https://new.fond-edykina.ru/konkurs-m/konkursy/1703-mp7 www.fond-edykina.ru new.fond-edykina.ru
Гъогу хъугъэ-шIагъэхэм шъобжхэр ахэзыхыгъэ кIэлэцIыкIухэм IэпыIэгъу языгъэгъотырэ шIушIэ фондэу Наташа Едыкинам ыцIэ зыхьырэм ригъэкIокIы- рэ зэнэкъокъухэр проектэу « Со светофоровой наукой по добрым дорогам детства» зыфиIорэм къыдыхэлъытагъэх. Проектым исайт: http://svetofor.fond-edykina.ru/index.php
Къэбар тедзэ IофшIэгъу мафэхэм сыхьатыр 8-м къыщегъэжьагъэу 3-м нэс телефонхэмкIэ зэжъугъэшIэн шъулъэкIыщт: +79039476681, +79676401745.
Фондым исоциальнэ хъытыухэми ар арыжъугъотэщт:
Вконтакте: https://vk.com/club194187549?w=wall-194187549_10592
Телеграмым: https://t.me/blagfond_edikina/9435
Одноклассникхэм: https://ok.ru/profile/579124699862/statuses/156811043894230
Наташа Едыкинам ыцIэ зыхьырэ шIушIэ фондыр гъогу хъугъэ-шIагъэхэм шъобжхэр ахэзыхыгъэ кIэлэцIыкIухэм IэпыIэгъу афэхъу.
Iэшъынэ Сусан.