Джа цIэр зиIэ Iофтхьабзэ Мыекъопэ районым ипоселкэу Туль­скэм щызэхащагъ. КIэлэцIыкIухэр щынэгъончъэу автомобилькIэ зе­щэгъэнхэм ар фэIорышIагъ. [caption id="attachment_144941" align="aligncenter" width="800"] АР-м и Къэралыгъо автоинспекцие.[/caption] Тульскэм дэт кIэлэцIыкIу IыгъыпIэм иавтомобиль къэуцупIэ инспекторхэр щызэрэу­гъоигъэх, ахэм ахэтыгъ мультфильмэм къыхэхыгъэ лIыхъу­жъыр. А чIыпIэм къыIухьэгъэ во­дительхэм анаIэ тырарагъэ-дзагъ сабыйхэр зэращэхэ зыхъукIэ ахэр ыкIи ежьхэм щы­нэгъончъэ бгырыпхыр е хэушъхьафыкIыгъэ тIысыпIэр къызфагъэфедэнхэм. Джащ фэдэу къэнэфырэ пкъыгъохэр агъэфедэнхэу зэрэщытыр лъэсрыкIохэми агу къагъэ­кIыжьыгъ. Iофтхьабзэм къыдыхэлъытагъэу хэушъхьафыкIыгъэ кIэлэцIыкIу тIысыпIэм фэгъэхьыгъэ усэхэм ныбжьыкIэ цIыкIухэр къяджагъэх. Нэужым ны-тыхэр, ныбжьыкIэ инспекторхэр ыкIи мультфильмэ лIыхъужъыр зэ­хэтхэу унэм къикIынхэшъ кIэлэ­цIыкIу IыгъыпIэм къызэрэкIощтхэ шIыкIэхэр, машинэм къызыщырагъэкIыщт чIыпIэр зэха­фыгъэх. Щынэгъончъэ бгырыпхыр ыкIи кIэлэцIыкIу тIысыпIэр зэра­гъэфедэщтымкIэ къашъхьапэщт къэбарыр зэрытхэгъэ тхьапэхэр ны-ты пэпчъ ыкIи нэфынэр къэзытырэ пкъыгъохэр сабый­хэм афагощыгъэх. Iэшъынэ Сусан.