УФ-м и УIэшыгъэ КIуачIэхэм ясатырэ дзэ къулыкъур щыхьыгъэныр Хэгъэгум икъэухъумэн лIыгъэ хэлъэу еуцолIэрэ хъулъфыгъэ шъыпкъэхэм къыхахы. ЗэзэгъыныгъэкIэ къулыкъур зыхьынэу кIэтхагъэхэм ащыщ Л. Анзор. КъулыкъушIэным, гражданскэ пшъэдэкIыжьым еплъыкIэу афыриIэр гъэзетэу «Адыгэ макъэм» къыфиIотагъ.

[caption id="attachment_144862" align="aligncenter" width="800"] Анзор ихъарзынэщ[/caption]

— ЗэзэгъыныгъэкIэ къулыкъу схьыныр сэ сишIоигъоныгъэкIэ къыхэсхыгъ. ХэушъхьафыкIыгъэ дзэ операциер зырагъажьэм мобилизациер къыкIэлъыкIуагъ, ау ащ сыхэфэнэу хъугъэп. Хэгъэгур пыим пэуцужьыгъэу, IэпыIэгъу ищыкIагъэу зызэхэ­сэхым рэхьатэу сыщысышъугъэп. Сыдэущтэу укъызщыхъугъэ, узщапIугъэ къэралыгъом икъэухъумэн ухэмыхьащта? Хэ­гъэгум къыхиубытэрэр чIыгу закъоп, мыщ унагъор хэт: ны-тыхэр, уянэ къылъфыгъэхэр, шъхьэгъусэр, уикIэлэцIыкIу­хэр… Ахэм ярэхьатныгъэ тыфэбэнэным мэхьанэ иI. Джащ фэдэ патриотическэ гупшысэхэмкIэ еджапIэм тыщапIугъ, — къыIуагъ Анзор.

ИкIыгъэ илъэсым имэлылъфэгъу къыщегъэжьагъэу Iоныгъом ыкIэхэм анэс «Анза» (ары зэреджэщтыгъэхэр) хэушъхьафыкIыгъэ дзэ операцием къэтыгъ. Херсон хэкум рэхьатныгъэр къыщиухъу­магъ, мамырныгъэм фэбэнагъ.

— ХэушъхьафыкIыгъэ дзэ операцием сызыхэтыгъэ илъэсныкъом сыгу къинэжьы­гъэр бэ. Къыхэзгъэщымэ сшIоигъу тидзэ­кIолIхэм язэкъотыныгъэ: умы­шIэу, узыфэмыгъэсагъэр къыбгурагъаIо, дзэ Iофым хэшIыкI фызиIэхэм ищыкIэгъэ лъагъом утыращэ. Джы ахэм ясатырэ сипсауныгъэ изытет елъытыгъэу сакъы­хэкIыжьын фаеу хъугъэ. Ахъщэ тынэу, фэгъэкIотэнэу сифэшъуашэхэр зэкIэ згъотыгъэх, джыри къэнэгъэ тхьапэхэм ягъэхьазырын ыуж сит, — еIо Анзор.

ТигущыIэгъу псэолъэшIэу Iоф ышIэщтыгъ. Джыри а лъэныкъом зигъэзэжьын гухэлъ иI.

Шъугу къэдгъэкIыжьын, зэзэгъыныгъэ шIыкIэм тетэу къулыкъу зыхьыхэрэм УФ-м зыкъэухъумэжьынымкIэ и Министерствэ зэтыгъо ахъщэ тынэу сомэ мини 195-рэ, республикэм — сомэ мин 200 ареты. Джащ фэдэу, районэу шъузщыпсэурэм елъытыгъэу, джыри гъэнэфэгъэ зэтыгъо ахъщэ тын къыхэхъо.

ЗэзэгъыныгъэкIэ къулыкъур зыхьы зышIоигъохэм зыщыпсэухэрэм щыIэ дзэ комиссариатхэм зафагъэзэн алъэ­кIыщт. ЗэкIэ ахъщэ тынхэм ыкIи фэгъэ­кIотэнэу щыIэхэм япхыгъэ къэбарыр нахь игъэ­кIотыгъэу зэзыгъашIэ зышIоигъохэм Те­леграм-каналэу «Адыгея — Служу Родине» зыфиIорэм рагъотэщт.

Iэшъынэ Сусан.