Краснодар краим тарифхэм ягъэзекIонкIэ и Департамент ыгъэ­нэфэгъэ уасэхэр 2024-рэ илъэсым бэдзэогъум и 1-м къыщегъэ­жьагъэу Краснодар краим, Адыгэ Республикэм, федеральнэ чIыпIэу «Сириусым» щагъэфедэщтых. ЭлектроэнергиемкIэ уасэу атыщтыр зэрыт квитанцием графикыкIэхэр рагъэхьащтых.

Зигугъу къэтшIыгъэ шъолъырхэм ащыпсэухэрэм щылэ мазэм пае къаIукIэщт квитанцием «Расход с учетом диапазонов потребления» зыфиIорэ сатырыр ралъэгъощт. Электроэнергиеу агъэкIодырэм ибагъэ елъытыгъэу уасэхэр ащ щызэтыраутыщтых: зы сыхьатым кВт 11000-м ехъу зыгъэфедэхэрэр я 2-рэ купым, кВт 20000-м ехъу зыгъэфедэхэрэр я 3-рэ купым ахагъэхьащтых. НэмыкIэу къэпIон хъумэ, электроэнергиер нахьыбэу агъэфедэ къэс атыщтыри нахьыб.

Iахьзэхэлъ обществэу «ТНС энерго Кубань» шъугу къегъэкIыжьы электроэнергиеу жъугъэфедагъэр зыфэдизымкIэ мазэм ия 23-рэ мафэм къыщегъэжьагъэу ия 25-рэ мафэм нэс макъэ яжъугъэIун зэрэфаер. Зигугъу къэтшIыгъэ пIалъэм ищыкIэгъэ пчъагъэхэр аIэкIэзыгъахьэхэрэм яквитанцие итыщтыр агъэфедэгъэ электроэнергием уасэу тефэрэр ары.