Гъэзетэу «Шапсыгъэм» иредактор шъхьаIэу, «Адыгэ макъэм» икорреспондентэу Ныбэ Анзор «Сэнэхьат IэпэIэсэныгъэм пай» зыфиIорэ щытхъу Тамыгъэр къыфагъэшъошагъ. Урысые печатым и Мафэ тефэу зэхащэгъэ мэфэкI зэхахьэм Шъачэ имэр ыцIэкIэ ар къыратыжьыгъ.

Къэбар жъугъэм иамалэу Шъачэ щылажьэхэрэм япчъагъэ 40-м нэсы. Федеральнэ ыкIи шъолъыр корреспондент пунктхэри ахэм ахэт. Мэрым игуа­дзэу Галина Москалевар ыкIи къэлэ ЗэIукIэм итхьаматэу Вик­тор Филоновыр мэфэкI зэха­хьэм хэлэжьагъэх. Журналистхэм IэпэIэсэныгъэ­шхо ахэлъэу, яхэгъэгу фэшъыпкъэхэу Шъачэ имедиа ыкIи къэрал журналис­тикэм хэхъоныгъэхэр зэрафа­шIырэр ахэм хагъэунэфыкIыгъ.

Джащ фэдэу телевидением, радиом, пресс-къулыкъухэм Iоф ащызышIэхэу къэбар жъугъэм иамалхэм ялIыкIо 29-мэ къалэу Шъачэ ипащэ и Щытхъу ыкIи и Рэзэныгъэ тхылъхэр щараты­жьыгъэх. Урысыем ианахь зэлъашIэрэ зыгъэпсэфыпIэ чIыпIэм хъугъэ-шIэгъэу къыщыхъу­хэрэр анахь чанэу къэ­зыты­жьырэ журналистхэм тиIофшIэгъоу, «Адыгэ макъэм» икоррес­пондентэу Ныбэ Анзор зэрахагъэхьагъэмкIэ тыфэгушIо, тапэкIи исэнэхьаткIэ гъэхъа­гъэхэр ышIынэу фэтэIо.