Лъытэныгъэ зыфэтшIырэ студентхэр! Ныбджэгъу лъапIэхэр!

Урысыем истудентхэм я Мафэ фэшI тышъуфэгушIо!

Мы мэфэкIым зэрепхых обществэм изы куп анахь чаным щыщхэу, ыпэкIэ плъэхэу, пшъэрылъышхохэм язэшIохын гуетыныгъэ фызиIэхэу, тиреспублики, тихэгъэгуи ыпэкIэ лъыкIотэнхэм атегъэпсыхьэгъэ проектышхохэм язэшIохын гу тезышIыхьэхэрэр.

Студентыгъор — кIэ горэм зыщылъыхъухэрэ, шIэныгъэрэ къулайныгъэрэ аIэ къызщырагъэхьэрэ, обществэм ицIыфхэу зэрэщытхэр зыщызэхашIэрэ, щыIэныгъэм чIыпIэу щаубытырэр зыщагъэунэфырэ пIалъэу щыт. Гъэсэныгъэ зэрагъэгъотызэ ныбжьыкIэхэм янеущырэ мафэ лъапсэ фашIы, чIыпIэ гъэнэфагъэ щыIэныгъэм щаубытынымкIэ амалэу яIэхэм зарагъэушъомбгъу, обществэм ихэхъоныгъэ яIахь зэрэхашIыхьащт шIыкIэхэм яусэх.

Адыгеим истудентхэр республикэм ыкIи хэгъэгум ащыкIорэ зэхъокIыныгъэхэм непэ чанэу ахэлажьэх, зигъо пшъэрылъышхохэм язэшIохын яIахь хашIыхьэ.

Тистудент лъапIэхэр! Студентыгъо илъэсхэм шIогъэ ин къышъуфахьынэу, шъуисэнаущыгъэ жъугъэфедэн шъулъэкIынэу, щыIэкIакIэм ипчъэ къызэIушъухынышъ, Адыгеимрэ Урысыемрэ янеущырэ мафэкIэ пшъэдэкIыжь зэрэшъухьырэр зэхашъушIэзэ шъуапэ ежъугъэхъунэу шъуфэтэIо.

ШIэныгъэ дэгъу зэрэзэжъугъэгъотыщтым ренэу шъунаIэ тежъугъэт, гъэхъагъэу шъушIыхэрэмкIэ къэ­жъугъэшъыпкъэжь Адыгеим пIуныгъэ-гъэсэныгъэ ягъэгъотыгъэнымкIэ амалышхохэр зэриIэхэр.

Тыгу къыддеIэу зэкIэми тышъуфэлъаIо псауныгъэ пытэ, щыIэкIэшIу шъуиIэнэу, шъуимурадхэр къы­жъудэхъунхэу!

Адыгэ Республикэм и ЛIышъхьэу, Урысые политическэ партиеу «Единэ Россием» и Адыгэ шъолъыр къутамэ и Секретарэу КъумпIыл Мурат

Адыгэ Республикэм и Къэралыгъо Совет — Хасэм и Тхьаматэу Владимир Нарожнэр