ШIушIэным фэщагъ
Александр Налетовыр Мыекъопэ къэралыгъо технологическэ университетым иэкологическэ факультет ия 3-рэ курс щеджэ. Краснодар дэт гуманитар-техноло— гическэ техникумыр къыухыгъ, апшъэрэ гъэсэныгъэ зэригъэгъотыным фэшI мэз хъызмэтым фэгъэхьыгъэ сэнэхьатым феджэ.
[caption id="attachment_144654" align="aligncenter" width="800"] А. Налетов[/caption]
Еджэныр кIэлэ ныбжьыкIэм къин къыщыхъурэп, ащ дакIоу апшъэрэ еджапIэм щызэхащэрэ Iофтхьэбзэ зэфэшъхьафхэм чанэу ахэлажьэ, волонтер движением хэт. — Студент пэпчъ волонтер движением хэтын фаеу сэлъытэ. Ащ ишIуагъэкIэ силэгъухэм нэIуасэ сафэхъугъ, ныбджэгъукIэхэр сиIэ хъугъэх. Еджэным нэмыкIэу лъэныкъо зэфэшъхьафхэмкIэ Iофтхьабзэхэм ахэлажьэ, шIушIэным нахь фэщагъэ тыхъугъ, — еIо Александр.
Факультетым щызэхащэрэ Iофтхьабзэхэм кIэлэ ныбжьыкIэр чанэу ахэлажьэ, экологием икъэухъумэн фэгъэхьыгъэу макIэп зэшIуахырэр, ахэм ащыщ хэшъаем (самшитым) изэтегъэуцожьын фэгъэхьыгъэр, джащ фэдэу чIыпIэ зэфэшъхьафхэм чъыг цIыкIухэр ащагъэтIысхьэх. Мыекъопэ къэралыгъо технологическэ университетым къыщызэIуахыгъэ «Точка кипения» зыфиIорэм илъэсым къыкIоцI Iофтхьабзэхэр щызэхащэх, ахэм анахьыбэм Александр волонтерэу
ахэлажьэ. Джащ фэдэу гъомылэпхъэ индустрием епхыгъэу кIэлэеджакIохэм шIэныгъэ языгъэгъотыхэрэм ар ащыщ, ащ къыдыхэлъытагъэу гурыт еджапIэхэр къакIухьэх, джэгукIэ зэфэшъхьафхэр афызэхащэх.
ДЕЛЭКЪО Анет.