Мыекъуапэ изыгъэпсэфыпIэхэм ащыщэу «ТекIоныгъэм иилъэс 55-рэ» зыфиIоу ЧеремушкэхэкIэ заджэхэрэ районым итым игъэцэкIэжьынхэр аублагъэх.

[caption id="attachment_144590" align="aligncenter" width="800"] Мыекъопэ къэлэ администрациер[/caption]

Джырэ уахътэм ар зэпкъырахы, кIэм игъэпсын фагъэхьазыры.

[caption id="attachment_144591" align="alignnone" width="800"] А. Гусев[/caption]

«Игъорыгъоу Iэрыфэгъу къэлэ щыIакIэр зэтетэгъэпсыхьэ. Къалэм щыпсэухэрэмрэ ащ ихьакIэхэмрэ яуахътэ зыщагъэкIощт, къызщакIухьащт гуIэтыпIэ чIыпIакIэ мыщ къыдэуцощт. КъэкIыхэрэм яягъэ арамыгъэкIэу, кIэхэри щагъэтIысхьэхэзэ Iоф­шIэн пстэури рагъэкIокIыщт. Мыхэр зэкIэ щыIэныгъэм щыпхырыщыгъэ мэхъу программэу «ШэпхъэшIухэм адиштэрэ къэлэ щыIакIэм игъэпсын» зыфиIоу Урысыем и Президентэу Владимир Путиным ыгъэнэфэгъэ лъэпкъ проектэу «ПсэупIэмрэ къэлэ щыIакIэмрэ» къыдыхэлъы­тагъэм ишIуагъэкIэ», — къыIуагъ Адыгеим и ЛIышъхьэу КъумпIыл Мурат.

Шъугу къэдгъэкIыжьын, общественнэ чIыпIэу мы илъэсым агъэкIэжьыщтхэмкIэ гъэрекIо цIыфхэм амакъэхэр арагъэ­тыгъагъэх ыкIи мы чIыпIэр зэтырагъэ­псыхьанымкIэ яшIоигъоныгъэхэр Мые­къуапэ щыпсэухэрэм къагъэлъэгъогъагъ.