Пыдзэфэ пытэхэм ядэщын фэгъэзэгъэ шъолъыр операторэу ООО-у «ЭкоЦентр» зыфиIорэм иIоф­шIэн хэхъухьэгъэ хэукъоныгъэу моно­по­лием пэшIуе­кIо­­гъэ­нымкIэ Федеральнэ къулыкъум Адыгэ РеспубликэмкIэ и ГъэIорышIапIэ къыхи­гъэщыгъэхэр дигъэзыжьыгъэх. Iофыр къызэIуахыным ушъхьагъоу фэхъугъагъэр хъызмэтшIэпIищмэ зыкъызэрафагъэзагъэр ары, ахэм шъолъыр операторым графикэу дагъэнэфагъэмрэ зэзэгъыныгъэу дашIы­гъэмрэ амыгъэцакIэхэу, игъом пыдзэфэ пытэхэр димыщхэу ятхьаусыхэ тхылъ къыщыраIотыкIыгъагъ.

«ООО-у «ЭкоЦентрэм» дэлажьэхэрэр Адыгэ Республикэм щыпсэурэ цIыфхэмрэ юридическэ лицэхэмрэ. Пыдзэфэ пытэхэр дэщыгъэнхэмкIэ нэмыкI компаниехэм зэзэгъыныгъэ ахэм ада­шIын алъэкIырэп, сыда пIомэ «ООО-у «ЭкоЦентрэм» нэмыкIэу зы компание Адыгеим итэп ащ фэдэ фэIо-фашIэхэр ыгъэцакIэ­хэу», — къыщаIуагъ монополи­ем пэшIуекIогъэнымкIэ Федеральнэ къулыкъум Адыгэ Рес­публикэмкIэ и ГъэIорышIапIэ.

Монополием пэшIуекIогъэнымкIэ къулыкъум шъолъыр операторым зыфигъэзэгъагъ, хэукъоныгъэхэр дигъэзыжьынхэмкIэ пIалъи фигъэнэфэгъагъ.

«ЭкоЦентрэр» уахътэу фагъэ­уцугъэм блэкIыгъэп, игъом хэ­укъоныгъэхэр дигъэзыжьыгъэх ыкIи ахэр къэзыушыхьатырэ тхылъхэр къулыкъушIапIэм къыфигъэхьыгъ. Хэбзэгъэуцугъэу щыIэм елъы­тыгъэу, шъолъыр операторым административнэ пшъэдэкIыжь тыралъхьагъ.