Нижегородскэ хэкум икъалэу Кстово самбэмкIэ зэнэкъокъухэр щыкIуагъэх. Урысыем ишъолъыр зэфэшъхьафхэм къарыкIыгъэ спортсмен 450-м ехъумэ заушэтыгъ.

Тигъэзет къызэрэхиутыгъэу текIоныгъэр къыдахыгъ Тыгъужъ Тимуррэ Хьа­къуй Амиррэ. Джащ фэдэу ящэнэрэ чIыпIэр къыфагъэшъошагъ республикэм илIыкIоу Гъомлэшк Анзор. КIалэхэр зыгъасэхэрэр Делэкъо Адам, Хьабэхъу Адам ыкIи Гъомлэшк Алый. Апэрэ хъугъэхэр Урысыем ихэшыпыкIыгъэ командэ хэхьагъэх.

ГъэхъэгъэшIухэр зышIыгъэ тиспорт­сменхэм джыри зэ тафэгушIо, тапэкIи Адыгеим ыцIэ дахэкIэ рарагъэIонэу афэтэIо.