Лъэпкъ проектэу «Щынэгъончъэ ыкIи шэпхъэшIухэм адиштэрэ гъогухэр» зыфиIорэм къыдыхэлъытагъэу сурэт ыкIи видео тезыхырэ пкъыгъохэр зэгъэгъоты­гъэн­хэм фытегъэпсыхьэгъэ аукцион Адыгеим гъогурыкIоныр щынэгъончъэнымкIэ и Гупчэ зэхищагъ.

[caption id="attachment_144358" align="aligncenter" width="800"] АР-м и МВД[/caption]

Ащ хэлэжьагъ ыкIи сомэ миллион 12-м ехъу зытефэрэ зэзэгъыныгъэр дашIыгъ Адыгеим икомпаниеу «ГъогурыкIоныр щынэгъончъэнымкIэ непэрэ шапхъэхэм адиштэрэ технологиехэр» зыфиIорэм.

Зэзэгъыныгъэм игъэцэкIэн къыдыхэлъытагъэу компанием ипшъэрылъыгъ шэпхъэшIухэм адиштэрэ камерэхэр республикэм къыIэкIигъэхьанхэр ыкIи ахэр щынэгъо чIыпIэхэм ежь-ежьырэу ащигъэуцунхэр. Уахътэу агъэнэфагъэм ехъулIэу а пстэури зэрифэшъуашэу зэшIуихыгъ.

Монополием пэшIуекIорэ федеральнэ къулыкъум и ГъэIорышIапIэу Адыгеим щыIэм мы аукционыр зэрэзэхащагъэр хэбзэгъэуцугъэм дештэмэ ыуплъэкIугъ ыкIи зи хэукъоныгъэ къыхигъэщыгъэп.