2024-р унагъом и Илъэсэу Урысые Федерацием и Президентэу Владимир Путиным ыгъэнэфагъэр къэгъэлъэ­гъон-форумэу «Урысыер» зыфиIоу ВДНХ-м щылажьэ­рэм къыщызэIуахы.

Непэ къыщегъэжьагъэу щылэ мазэм и 23-м нэс щыкIощт Iофтхьабзэу «Родные — Любимые» зыфиIорэр ащ егъэжьапIэ фэхъущт. Ащ хэлажьэх Адыгеим щыщхэу Зыхьэ Заурбыйрэ Мэлайчэтрэ яунагъо.

Мыщ фэдэ зэшъхьэгъусэ зэкIужьхэу, бын пытэхэу щыIэныгъэ гъогур къызэдэзыкIухэрэр нахьыбэ хъунхэр, унэгъо шэн-хабзэхэр къызэтегъэнэгъэнхэр, ахэр къэухъумэгъэнхэр ипшъэрылъхэу 2024-р унагъом и Илъэсэу агъэ­нэ­фагъ. Ежь цIыфхэми мы илъэсым къэзэрэщэхэмэ насыпыгъэу алъытэ. Бэхэми ар къызфагъэфедэгъах. Граждан Iофхэм язытет тхыгъэнымкIэ ГъэIорышIапIэу Адыгеим щыIэм къызэритырэмкIэ, мы илъэсыр къызихьагъэм къыщегъэ­жьагъэу республикэм унэгъокIэ 43-рэ иIэ хъугъэ. Непэ джыри 10 зэрэзэ­гуатхэщтыр республикэ ЗАГС-м къыщытаIуагъ.

Адыгеим унагъом и Илъэс щылэ мазэм и 30-м къыщызэIуахыщт.

Анцокъо Ирин.