Top.Mail.Ru

Анахь дэгъухэр къэнэфагъэх

Image description

Республикэ зэнэкъокъоу «Адыгеим испортсмен ыкIи итренер анахь дэгъухэр» зыфиIорэм изэфэхьысыжьхэр ашIыгъэх.

Мы Iофтхьабзэм икIэщакIор АР-м физическэ культурэмкIэ ыкIи спортымкIэ и Комитет ары. 2023-рэ илъэсыр пштэмэ, ягъэхъагъэ­хэмкIэ нахь къахэщыгъэхэр кушъхьэфэчъэ спортым пылъхэр ары. Мы олимпийскэ спорт лъэпкъым илIыкIуи 4 анахь дэгъу­хэм ахэфагъэх: СтIашъу Мамыр, Елизавета Ошурковар, Гюнель Мартыновар ыкIи Елизавета Арчибасовар. Джащ фэдэу спортсмен анахь дэгъуипшIым ахалъытагъэх: Анастасия Кравцовамрэ Юлия Баш­маковамрэ (спорт щэрыоныр), дзюдоистэу Беданэкъо Заур, тхэквондистэу Даур Къадырбэч, Елена Ермолинар (атлетикэ псын­кIэр) ыкIи Кристина Морозовар (Iэпшъэ бэнэныр).

[caption id="attachment_144293" align="aligncenter" width="800"] СтIашъу Мамыр[/caption]

Джащ фэдэу спортсмен ныбжьыкIэ анахь лъэшхэри къыхагъэщыгъэх: Нэхэе Рэмэзанрэ Хьатит Муратрэ (урым-рим бэнэныр), Ордэкъо Астемиррэ Артем Орловымрэ (атлетикэ онтэгъур), боксерэу Мушег Баяндурян, Владислав Подзвездовыр (атлетикэ псынкIэр), самбистэу Гъомлэшк Анзор, Таисия Чуренковар (кушъхьэфэчъэ спортыр) ыкIи каратистэу Пакъэ Астемир.

[caption id="attachment_144294" align="aligncenter" width="800"] Елена Ермолинар[/caption]

Тренер анахь дэгъуипшIым ахэфагъэх: НэмытIэкъо Аскэрбый (Iэпшъэ бэнэныр), Василий Есиныр (тхэквондо), Алексей Вой­новыр (кушъхьэфэчъэ спортыр), Беданэкъо Байзэт (дзюдо), Георгий Гуляйченкэр (спорт щэрыоныр), Сергей Сухановыр (атлетикэ псынкIэр), Сергей Алифиренкэр (спорт щэрыоныр), Делэкъо Адам (самбо), НатIэкъо Шумаф (урым-рим бэнэныр), Евгений Хабибулиныр (атлетикэ псынкIэр).

[caption id="attachment_144295" align="aligncenter" width="800"] Беданэкъо Заур[/caption]

Илъэсым анахь гъэхъэгъэшIу зышIыгъэ спортсменхэм ахалъытагъэх Наш Расул (самбо), Мария Притула ыкIи Кристина Левичевар (тхэквондо). ТренерхэмкIэ къыхагъэщыгъэхэр Карлен Восканян (бокс), Хьагъур Рэджэб (атлетикэ онтэгъур), Джарымэкъо Рустам (самбо).

  [caption id="attachment_144297" align="aligncenter" width="800"] Даур Къадырбэч[/caption] [caption id="attachment_144298" align="aligncenter" width="800"] Владислав Подзвездовыр[/caption] [caption id="attachment_144296" align="aligncenter" width="800"] Елизавета Ошурковар[/caption]