Осыр къесы

Осы шъабэр псынкIэу къесы. ИлъэсыкIэ мафэр къэсы. Ини цIыкIуи шъущымыс, Ини цIыкIуи зыжъугъэсыс. Псауныгъэ Тхьэм къышъует. ИлъэсыкIэр гъогум тет. О къеблагъ, къеблагъ, кIымаф! Уидэхагъэр къэгъэнаф! Соф, Бащыр, ТIахьир, Налмэс Iажэ цIыкIур жъугъэтэрэз! Сыдэу тхъагъуа! Осыр къесы, ИлъэсыкIэ мафэр къэсы!

ТхьакIумкIыхьэ цIыкIу

Бжыхьэм тхьакIумкIыхьэ цIыкIум Иджэдыгу цIыкIу зэблихъугъ. Ар ежьашъо фэдэу щытти, Осым фэдэу фыжь къэхъугъ!  

ТхьакIумкIыхьэ цIыкIу

Бжыхьэм тхьакIумкIыхьэ цIыкIум Иджэдыгу цIыкIу зэблихъугъ. Ар ежьашъо фэдэу щытти, Осым фэдэу фыжь къэхъугъ! Жьыбгъэр (ЛъытакIэ, усэ къекIокI) — Уашъом джыри зызэблехъу. — Непэ ощх къещхынкIи мэхъу. — Жьыбгъэр! Зы, тIу, щы, плIы, тфы! Пщэхэр чыжьэу-чыжьэу фых. — ЛъэIоу шъуиIэр згъэцэкIэн – Пщэхэм дэгъоу сахэпщэн! Фыф! Фы-фыф! Фы-фыф! Фы-фыф! Фыф! Фы-фыф! Фы-фыф! Фы-фыф — Жьыбгъэр! Хы, блы, и, бгъу, пшIы! Джы ошъогур къабзэу шIы! — ЛъэIоу шъуиIэр згъэцэкIэн – Джыри дэгъоу сахэпщэн! Фыф! Фы-фыф! Фы-фыф! Фы-фыф Фыф! Фы-фыф! Фы-фыф! Фы-фыф Жьыбгъэм лIыгъэр зэрихьагъ – Тыгъэр уашъом къытехьагъ! Тэри пшIым нэс къэтлъытэн! КIэлэцIыкIухэм Тхьэр ятагъ! — Жьыбгъэр… (Усэр къэтыухыгъ тIозэ, икъежьапIэ тыфэкIожьы. Мыр усэ къекIокI зыфаIорэр ары). Абрэдж Сафият.