Ветеранхэр хэлажьэх
Адыгеим икIыгъэхэу хэушъхьафыкIыгъэ дзэ операцием иветеран нэбгыри 6 Урысые форумэу «Тызэгъусэу тытекIощт!» зыфиIорэм хэлажьэх.
[caption id="attachment_144196" align="aligncenter" width="800"] Фондэу «Хэгъэгум иухъумакIохэр»[/caption]
Фондэу «Хэгъэгум иухъумакIохэр» зыфиIорэм ятIонэрэ форумэу зэхищагъэр Москва ипаркэу «Патриотым» 2024-рэ илъэсым щылэ мазэм и 14 — 17-м щэкIо. Ащ шъолъыр 89-мэ къарыкIыгъэ хэушъхьафыкIыгъэ дзэ операцием иветеранхэр, фондым икъутамэхэм япащэхэр ыкIи ясоциальнэ координаторхэр, хабзэм ыкIи экспорт сообществэм ялIыкIохэр щызэрэугъоигъэх.
Iофтхьабзэм ипшъэрылъ шъхьаIэр хэушъхьафыкIыгъэ дзэ операцием иветеранхэр граждан обществэр гъэпытэгъэным фытегъэпсыхьэгъэ общественнэ ыкIи къэралыгъо проектхэм ахэщэгъэнхэр ары.
Форумым рагъэблэгъагъэхэ Адыгеим иветеранхэу И. Донцовыр, С. Артюшенкэр, В. Ошкаловыр, С. Кочневыр, М. Братовыр, О. Спиряковыр спикерхэм якупэу агъэпсырэм иIофшIэн чанэу хэлажьэх. Мыхэр зэкIэри шъолъыр фондым кIэлэеджакIохэм апае зэхищэхэрэ ЛIыхъужъныгъэм иурокхэм, «ЛIыхъужъхэр къытхэтых» зыфиIорэ зэIукIэгъухэм ахэлажьэх. 2023-рэ илъэсым пстэумкIи ащ фэдэ Iофтхьэбзи 100-м ехъу рагъэкIокIыгъ.
[caption id="attachment_144197" align="aligncenter" width="800"]
Фондэу «Хэгъэгум иухъумакIохэр»[/caption]
Къихьэгъэ 2024-рэ илъэсыкIэм къэралыгъо фондэу «Хэгъэгум иухъумакIохэр» зыфиIорэм ишъолъыр къутамэ республикэ проектыкIэу «ЛIыхъужъэу къэхъухэрэп» зыфиIорэр ытIупщыгъ. Ащ ипшъэрылъыр республикэм щыпсэухэрэм, анахьэу къыткIэхъухьэрэ ныбжьыкIэхэм, пIуныгъэ, патриотическэ IофшIэныр зэпымыоу адызехьэгъэныр, джащ фэдэу, Хэгъэгум иухъумакIохэу зэпэуцужьым хэкIодагъэхэм яшIэжь гъэлъэпIэгъэныр, обществэм зыкIыныгъэ хэлъхьэгъэныр, Урысыем ыкIи тилIыхъужъхэм арыгушхонхэм фэпIугъэнхэр.
Республикэм патриотическэ IофшIэныр щылъыгъэкIотэгъэным фэшI хэушъхьафыкIыгъэ дзэ операцием иветеранхэм ясообществэ ылъэпсэ шъхьаIэ форумым хэлажьэхэрэм агъэпсыным шъолъыр фондым ипащэу ПIатIыкъо Аслъан ынаIэ тет.