ТичIыпIэгъу лъапIэхэр!

Адыгэ Республикэм инахьыжъхэм я Совет, Адыгэ Республикэм иветеранхэм я Совет, Адыгэ республикэ фондэу «ТекIо­ныгъэр» зыфиIоу Советскэ Союзым и ЛIыхъужъэу Андырхъое Хъусен ыцIэкIэ щытым иправление Адыгеим щыпсэухэрэм, ти Хэгъэгу ишъхьафитыныгъэ къэзыухъумэзэ хэкIодэгъэ советскэ нэбгырэ миллион пчъагъэхэм яшIэжь зыгъэлъэпIэрэ пстэуми закъыфагъазэ 1941 — 1945-рэ илъэсхэм щыIэгъэ Хэгъэгу зэошхом текIоныгъэр къыз­щыдахыгъэм ия 79-рэ илъэс ихэгъэунэфыкIын къызщыблагъэрэм Хэгъэгу зэошхом хэлэжьагъэхэм, ахэм яунагъохэм, щымыIэжьхэм яшъхьэгъусэхэм, тылым Iоф щызышIагъэхэм, IофшIэным иветеранхэм, Украинэм щыкIорэ хэушъхьафыкIыгъэ дзэ операцием хэла­жьэхэрэм IэпыIэгъу ятыгъэным епхыгъэ шIушIэ Iофтхьабзэхэм къахэлэжьэнхэу.

Ахъщэр зыпэIуагъэхьащтыр заом хэлэ­жьагъэхэм ыкIи сэкъатныгъэ хэзыхыгъэхэм, зишъхьэгъусэ хэкIодагъэхэм ыкIи ахэм яунагъохэм арысхэм, шIэжь пхъэмбгъухэм ягъэуцункIэ, Хэгъэгу зэошхом лIыхъужъныгъэ щызезыхьагъэхэм якъэхэм алъыплъэ­гъэнымкIэ IэпыIэгъу ятыгъэныр ары. Ащ дакIоу еджэпIэ пстэуми лIыхъужъныгъэм иурокхэр ащызэхащэщтых, ныбжьыкIэхэр яхэгъэгу шIу алъэгъоу пIугъэнхэмкIэ зишIуа­гъэ къэкIощт тхылъхэр къыдагъэкIыщтых, юнармейскэ ыкIи ветеран движением епхыгъэ Iофыгъохэу къэуцухэрэм язэшIохын зэрэкIорэм цIыфхэр щагъэгъозэщтых.

Адыгеим игъэцэкIэкIо хабзэ икъулыкъу­хэм, предприятиехэм, учреждениехэм ыкIи организациехэм, мэкъумэщ предприятиехэм япащэхэм унэе предпринимательхэм, рес­публикэм щыпсэурэ цIыфхэу мы Iофэу зигугъу къэтшIырэм ыгъэгумэкIыхэрэм тыкъяджэ шIушIэ IэпыIэгъум къыхэлэжьэнхэу, анахьэу ащ фэдэ IэпыIэгъур зищыкIагъэу щытхэм яшIуагъэ арагъэкIынэу. Фондым иреквизитхэр:

Адыгейский республиканский фонд поддержки ветеранов (пенсионеров) «Победа» им. Героя Советского ­Союза Х. Б. Андрухаева

ИНН/КПП 0105051524/010501001 Классификация: Филиал «Центральный» Банка ВТБ (ПАО) г. Москва р/сч 40703810600230000327 Корсчет 30101810145250000411 БИК 044525411

Ветеранхэм (пенсионерхэм) IэпыIэгъу ятыгъэным фэгъэзэгъэ Адыгэ республикэ фондэу «ТекIоныгъэр» зыфиIоу Советскэ Союзым и ЛIыхъужъэу Андырхъое Хъусен ыцIэкIэ щытым икассэ ахъщэр ижъугъэхьан шъулъэкIыщт. Ар зыдэщыIэр: къ. Мыекъуа­пэ, ур. Крестьянскэр, 236, а 1-рэ къат, офисэу 104-р, тел. 8-87772-52-86-73

АР-м инахьыжъхэм я Совет и Тхьаматэу Н. М. ГъукIэлI

АР-м иветеранхэм я Совет и Тхьаматэу А. А. Къуаджэ

АРФ-у «ТекIоныгъэм» ипащэу Ю. Д. Нэхай