Щылэ мазэм имэфэ пшIыкIутфыр пыкIыгъ. КIымафэм ыгузэгу тыхэхьагъэу осэу ты­зэжагъэри къытфесыгъ.

Нахьыбэхэм мыщ зыщаухъу­мэ нахь мышIэми, чэфыгъом зэрихьэхэрэр сабыйхэр ары. Арэу щытми, мэкIэ-макIэу осыр къыгъэткIужьэу фежьагъ.

Щылэ мазэм къыздихьыщтхэм тащигъэгъозагъ гидрометеорологиемкIэ ыкIи тыкъэзыуцухьэрэ дунаим имониторингкIэ Гупчэм ипащэу Александр Митровым.

ГурытымкIэ мазэм темпе­ратурэу щыIэщтыр шапхъэхэм афэдизыщт ыкIи ашIокIыщт, ощх ыкIи ос цIынэр ­къыхьыщт. КъыхэкIыщтых ма­фэхэр ошъуапщэу, гъогухэр цIэнлъагъоу. Джащ фэдэу фабэмрэ чъыIэмрэ чэзыу-чэзыоу къызэкIэлъыкIощтых. Къызы­щыучъыIырэ уахътэм мылыр чъыгхэм ыкIи электрорыкIуапIэхэм апишIыхьащт.

Апэрэ мэфипшIым чэщым чъыIэр градуси 10-м нэсэу щы­Iагъ, къыгъэщтыгъ. Мафэм фа­бэр градуси 8-м кIэхьагъ.

ЯтIонэрэ мэфипшIыр. Чэщ­хэр чъыIэщтых градуси 6 — 12-м нэсэу, мафэхэм чъыIэр гра­дуси 3-м кIэхьащт, фабэр градуси 8-м зыщынэсыщтхэри къыхэ­кIыщт.

Ящэнэрэ мэфипшIым икIэ­ухым нахь къэучъыIыщт, чэщым чъыIэр градус 14-м нэсыщт. КъыхэкIыщтых мафэхэр фабэр градуси 8-м кIахьэу.

Къушъхьэхэм температурэр градуси 6 — 8-кIэ нахь ащы­чъыIэщт.

Щылэ мазэм псыхъохэмь адэт псыр шапхъэхэм атетыщт, къыз­щигъэжъурэ уахътэм ыкIи лъэшэу къызещхыкIэ, къыдэ­кIоещт.

Мы мазэм иапэрэ мэфипшIым бжыхьасэхэм макIэу ахэхъуагъ. Ахэм чъыIэр къягоощтэп.

КIАРЭ Фатим.