ЩтыргъукIышхом илъэхъан чъыIэм уимыстыным фэшI щынэгъон­чъагъэм иамалхэр зепхьэхэмэ нахь тэрэз. Роспотребнадзорым и ГъэIорышIапIэу АР-м щыIэм шъугу къегъэкIыжьы шъузэрэзекIон фаер. [caption id="attachment_144126" align="aligncenter" width="800"] А. Iэшъын.[/caption] 1. Щыгъын фабэхэу жьыбгъэм шъущы­зыухъумэщтхэр зыщышъулъэх. 2. Бэрэ щагум шъудэмыт, зэпыугъохэр шъу­шIыхэзэ унэ кIоцIхэм защыжъугъэфаб. 3. Щай, кофе е лэпс стырхэм пкъынэ-лынэр агъэфэбэщт. 4. Джащ фэдэу тхъу ыкIи белок бэу зыхэлъ гъомылапхъэхэр шъу­шхыхэмэ, пкъынэ-­лы­нэм фабэр хэтынымкIэ ишIуагъэ къэкIощт. ЧъыIэр къышъоIагъэмэ къы­зэрэшъушIэщт нэшанэхэр: дыи­гъэныр, къыхаозэ узыныр, пкъышъолым щыщ Iахь плъы­жьы хъуныр. ЧъыIэм шъуистыгъэ зыхъу­кIэ шъушIэ мыхъущтхэр: псы стыркIэ зыптхьакIыныр, а чIы­пIэхэр оскIэ плъэкIынхэр, къэ­зыгъэфабэрэ пкъыгъохэр бгъэфедэнхэр. Ащ фэдэ зе­кIуакIэхэм нахь щынагъохэр къахэкIых. ЧъыIэм шъуигъэдыигъэу е лъэшэу къышъухэхьагъэу нэша­нэхэр зэшъолъэгъулIэ­жьы­хэмэ, IэпыIэгъу псынкIэм шъу­къе­джэмэ нахь тэрэз. ЩтыргъукI лъэхъаным шъори, шъуигупсэхэми шъузфэсакъыжь! Iэшъынэ Сусан.