КIымафэм зыщыцIэнлъэгъо лъэхъаным цIыфыр зытефэкIэ шъобжхэр хехых. Ащ фэдэ хъугъэ-шIагъэхэр бэрэ зыщыхъоу хабзэр ту­чанхэм е щэпIэ гупчэхэм ячIэхьагъухэр ары.

Ахэм ядэкIояпIэхэм, ячIэ­хьагъухэм ателъ плиткэр икъоу замыгъэкъабзэкIэ, Iумыл те­хъукIы. ЩэфакIохэм яфитыныгъэхэр ыкIи цIыфым игупсэ­фыныгъэ къэухъумэгъэнхэмкIэ Федеральнэ къулыкъум мы мафэхэм къызэритыгъэмкIэ, ащ фэдэ хъугъэ-шIагъэм фыкъоныгъэу хахырэмкIэ пшъэдэкIыжь зыхьыщтыр сатыушI организациер ары.

— ЩэфакIохэм ящыIэныгъэкIэ ыкIи япсауныгъэкIэ щынэгъончъэ амалхэр сатыушI организациехэм афагъэпсынхэу щыт. ЩэпIэ чIыпIэхэм ячIэхьагъухэм бэрэ цIыфхэр ащэцIанлъэ­хэшъ, шъобжхэр хахых. Ащ фэдэ хъугъэ-шIагъэ къызэхъулIэгъэ бзылъфыгъэу зиIоф Апшъэрэ хьыкумым зэхифыгъэм ылъэныкъокIэ унашъо ышIыгъ, зидэкIояпIэ тещтыкIыгъэ тучанэу зычIэхьагъэм тазыр ытынэу, — къыщаIуагъ Роспотребнадзорым.

Граждан IофхэмкIэ Апшъэрэ хьыкумым иколлегие зэригъэнэфагъэмкIэ, щэфакIом ипсауныгъэкIэ щынэгъончъэ амалхэр щакIом ыгъэпсынхэр ипшъэ­рылъых. Тучаным кIогъэ цIыфым а чIыпIэм шъобж щыте­щагъэ зыхъукIэ, хьыкумым зы­фигъэзэн фит. Ащ пае медицинэ учреждением ипсауныгъэ зэрарэу рахыгъэр щигъэунэфын фае.