Щылэ мазэм и 8-м щегъэжьагъэу и 14-м нэс лъэс зекIонымкIэ зэнэкъокъу рагъэкIокIыгъ.

Пшъэрылъ шъхьаIэу щыты­гъэр мыщ хэлажьэхэрэм лъэ­бэкъу мини 100 къакIуныр ары. Адыгеим, Краснодар краим, Челябинскэ хэкум ащыпсэурэ нэбгыри 150-м ехъумэ заушэтыгъ, ахэм ащыщэу 105-р — бзылъфыгъэх.

Анахь псынкIэу пшъэрылъыр зыгъэцэкIагъэр Псеун Назир, зы мафэкIэ ащ ма­рафоныр къыкIугъ. Гъэмафэм Назир Мые­къуапэ икIи икъоджэ гупсэу Кощхьаблэ лъэсэу кIогъагъ. Лъэс зекIонымкIэ урысые чемпионатым ящэнэрэ чIыпIэр къыщыдэзыхыгъэ ыкIи Урысые зэнэкъокъухэм тIогъогогъо ячем­пион хъугъэ командэу «Мыекъуапэ 01» зыфиIорэм ар хэт. Жэжъые биатлоныр рагъэжьэным ыпэкIэ Москва къикIыгъэ тын лъапIэхэр командэм хэтхэм аратыжьыгъэх.

Лъэс зекIонымкIэ марафоным изэфэхьысыжьхэр зэхэщакIохэм ашIыщтых. Ау джырэ уахътэм къэпIон плъэкIыщт Iофтхьабзэм хэлэжьагъэхэм ащыщэу анахь макIэмэ 75-мэ шапхъэхэр зэрагъэцэкIагъэхэр.