КъэбарлъыгъэIэс амалхэм яIофышIэхэу лъытэныгъэ зыфэсшIыхэрэр!

Шъуисэнэхьат епхыгъэ мэфэ­кIым — урысые печатым и Мафэ фэшI сыгу къыздеIэу сышъуфэгушIо!

Шъолъыр СМИ-хэм къэбарлъыгъэIэс амалхэм ясистемэ чIыпIэ гъэнэфагъэ щаубыты. Ахэм анахь зигъо Iофыгъохэм анаIэ атырадзэ, цIыфхэм яеплъыкIэ къыраIотыкIы. Адыгеим ижурналистхэр зиIоф хэшIыкI ин фызиIэ цIыфых, ахэр щыIэныгъэм ипчэгу ренэу итых, яIэпэIэсэныгъэ хагъахъо. ЗэкIэми сышъуфэлъаIо псауныгъэ пытэ, щыIэкIэшIу шъуи­Iэнэу, шъуитворческэ гухэлъхэр къыжъудэхъунхэу ыкIи IофшIэн къинэу, ау гъэшIэгъонэу щытым тапэкIи гъэхъагъэхэр щышъу­шIынхэу! Адыгэ Республикэм лъэпкъ IофхэмкIэ, IэкIыб къэралхэм ащыпсэурэ тилъэпкъэгъухэм адыряIэ зэпхыныгъэхэмкIэ ыкIи къэбар жъугъэм иамалхэмкIэ и Комитет итхьаматэу Шъхьэлэхъо Аскэр