Щылэ мазэм и 15-р — Урысыем и Следственнэ комитет зызэхащэгъэ Маф
Следственнэ комитетым иIофышIэхэу ыкIи иветеранхэу лъытэныгъэ зыфэтшIыхэрэр!
Урысые Федерацием и Следственнэ комитет зызэхащэгъэ Мафэм фэшI тышъуфэгушIо!
Следственнэ комитетыр къэралыгъом икIэгъэкъонышхоу щыт, Урысыем щыпсэурэ цIыфхэм яфитыныгъэхэмрэ яшъхьафитыныгъэхэмрэ къэухъумэгъэнхэмкIэ, бзэджэшIагъэм пэшIуекIорэ бэнэныгъэр гъэлъэшыгъэнымкIэ, хэбзэгъэуцугъэу щыIэр укъуагъэ мыхъунымкIэ бэ ащ зэшIуихырэр.
БзэджэшIэгъэ хьылъэхэм якъыхэгъэщынкIэ мы комитетым иIофышIэхэм IэпэIэсэныгъэ ин, теубытагъэ ахэлъэу, яшIэныгъэрэ ячаныгъэрэ къызфагъэфедэзэ, пшъэдэкIыжь ин зэрахьырэр икъоу зэхашIыкIызэ, Iофышхо агъэцакIэ.
Урысые Федерацием и Следственнэ комитет Адыгэ РеспубликэмкIэ и Следственнэ гъэIорышIапIэ щылажьэхэрэм гуетыныгъэ ин фыряIэу япшъэрылъхэр зэрагъэцакIэхэрэм, республикэм хэбзэгъэуцугъэу щыIэхэр щамыукъонхэм яIахьышхо зэрэхашIыхьэрэм апае лъэшэу тызэрафэразэр къэтэIо.
Адыгэ Республикэм ихэхъоныгъэкIэ ищыкIэгъэ амалхэр зэкIэ егъэгъотыгъэнхэм тапэкIи шъуиIахь зэрэхэшъушIыхьащтым тицыхьэ телъ.
Псауныгъэ пытэ, щыIэкIэшIу шъуиIэнэу, Адыгеимрэ Урысыемрэ яфедэ зыхэлъ къулыкъум гъэхъагъэхэр щышъушIынхэу шъуфэтэIо.
Адыгэ Республикэм и ЛIышъхьэу, Урысые политическэ партиеу «Единэ Россием» и Адыгэ шъолъыр къутамэ и Секретарэу КъумпIыл Мурат
Адыгэ Республикэм и Къэралыгъо Совет — Хасэм и Тхьаматэу Владимир Нарожнэр