Мыекъопэ баскетбол командэу «Динамо-МГТУ-м» къи­хьащт тхьамафэм ешIэгъухэр иIэщтых. Республикэм ихьакIэщтых Московскэ хэкум икомандэу «ЦСП-Химки» ыкIи Чэчэн Республикэр къэзыгъэлъэгъорэ «Динамэр». Мы командэхэм ятIонэрэ ыкIи ящэнэрэ чIыпIэхэр аIыгъых. Мыекъуапэ илIыкIохэр яплIэнэрэх. Тибаскетболистхэм текIоныгъэхэр къызыдахыкIэ ахэм апэ ишъынхэ алъэ­кIыщт. Апэрэ ешIэгъуитIур щылэ мазэм и 16 — 17-м Московскэ хэкум икомандэ дыряIэщт. Ащ ыуж щылэ мазэм и 20 — 21-м Грознэм илIыкIохэм аде­шIэщтых. ЗэIукIэгъухэр сыхьатыр 2-м рагъэжьэщтых.