Щылэ мазэм и 12-р – Урысые Федерацием ипрокуратурэ иIофышIэ и Маф
Прокуратурэм икъулыкъухэм яIофышIэхэу ыкIи яветеранхэу лъытэныгъэ зыфэтшIыхэрэр!
Шъуисэнэхьат епхыгъэ мэфэкIым – Урысые Федерацием ипрокуратурэ и Мафэ фэшI тышъуфэгушIо!
Типрокуратурэ щыIэ зыхъугъэм къыщыублагъэу тикъэралыгъокIэ цыхьэшIэгъу кIэгъэкъонышхоу щыт, урысые хэбзэухъумэкIо системэмкIи ащ мэхьанэшхо иI.
ЦIыфхэм яфитыныгъэхэмрэ яфедэхэмрэ якъэухъумэн, непэ тихэгъэгу ыпашъхьэ ит пшъэрылъхэм язэшIохын бэкIэ зэлъытыгъэр прокуратурэм иIофышIэхэм яIэпэIэсэныгъ, ягуетыныгъ, ятеубытэныгъ.
Ахэм япшъэрылъхэр дэгъоу зэрагъэцакIэхэрэм, нэмыкI къулыкъухэм зэпхыныгъэ пытэ зэрадыряIэм яшIуагъэкIэ тиреспубликэ нахь псынкIэу хэхъоныгъэ ышIынымкIэ, цIыфхэм щынэгъончъэ щыIакIэ яIэнымкIэ амалышIухэр щыIэ мэхъух.
IэпэIэсэныгъэ ин ахэлъэу, яIоф фэшъыпкъэхэу, Адыгэ Республикэм ихэбзэгъэуцугъэхэр къэухъумэгъэнхэм яIахьышхо зэрэхашIыхьэрэм пае прокуратурэм иIофышIэхэмрэ иветеранхэмрэ тызэрафэразэр непэ къэтэIо.
Псауныгъэ пытэ, щыIэкIэшIу шъуиIэнэу, тапэкIи гъэхъэгъэшхохэр шъушIынхэу шъуфэтэIо!
Адыгэ Республикэм и ЛIышъхьэу, Урысые политическэ партиеу «Единэ Россием» и Адыгэ шъолъыр къутамэ и Секретарэу КъумпIыл Мурат
Адыгэ Республикэм и Къэралыгъо Совет —Хасэм и Тхьаматэу Владимир Нарожнэр
Прокуратурэм иIофышIэ и Мафэ фэгъэхьыгъэ тхыгъэр.