Адыгэ Республикэм футболымкIэ икIымэфэ зэIухыгъэ зэнэкъокъу блэкIыгъэ илъэсым тыгъэгъазэм рагъэжьагъ. Ветеранхэм ялигэ пштэмэ, джырэ уахътэм ехъулIэу команди 5-мэ текIоныгъэр къыдахын алъэкIыщт. Аужырэ туритIум язэфэхьысыжьхэм бэ ялъытыгъэщтыр.

Щылэ мазэм и 13-м зэнэкъо­къум пэрытныгъэ щызыIыгъ командэхэу «Делотехника» ыкIи «Дорожник» зыфиIохэрэр зэIукIэщтых. Мыщ ыуж «Джокер» ыкIи «ВНГ» зэдешIэщтых, «Фыщтымрэ» «Звездамрэ» медальхэм афэбанэхэрэп, ау зэкIэми ауж къи­нэнхэу фаехэп. Арышъ, ахэм яешIэгъуи гъэшIэгъоныщт.

Командэхэр зыдэщыт чIыпIэхэр ыкIи очко пчъа­гъэу рагъэкъугъэр:

1. «Дорожник» — 10. 2. «Делотехника» — 9. 3. «Джокер» — 9. 4. «Щагъдый» — 9. 5. «ВНГ» — 7. 6. «Звезда» — 0. 7. «Фыщт» — 0.

Апэрэ лигэм командэ 14 хэт. Тур 13-м щыщэу 7-р къызэранэкIыгъ. Мыщ «Ошъутенэм» апэрэ чIыпIэр щиIыгъ, ятIонэрэм щыт командэу «СШОР-2008» зыфиIорэм очкоуи 4-кIэ ыпэ ит. Мы командэхэр щылэ мазэм и 14-м сыхьатыр 11-м зэIукIэщтых. Пэрытныгъэ зыIыгъ командэм щешIэ Iэгоо анахьыбэ дэзыдзэгъэ Мазлэ Арсен. Мы ешIэгъум ыуж «Легионымрэ» «Спортмастерымрэ» зэдешIэщтых. Адрэ командэхэм щылэ мазэм и 13-м зэIукIэгъухэр яIэщтых.

Джырэ уахъэтэм командэхэр зыдэщыт чIыпIэ— хэр:

1. «Ошъутен» — 21. 2. «СШОР-2008» — 17. 3. «Тульскэр» — 16. 4. «Спортмастер» — 15. 5. «Спортмастер-2» — 15. 6. «Легион» — 13. 7. «МФОК Ошъутен» — 10. 8. «СШОР-2007» — 10. 9. «Альянс» — 6. 10. «Нарт» — 6. 11. «Люди в черном» — 4. 12. «Канониры» — 3. 13. «Олимп ДЮСШ» — 3. 14. «Атлетик» — 1.

Хабзэ зэрэхъугъэу апшъэрэ лигэм хэт командэхэм язэIукIэгъухэр сыдигъуи гъэшIэгъоных. Апэрэ чIыпIэм щыт «Урожаим» ешIэкIэ дахэ къегъэлъагъо. Щылэ мазэм и 14-м апэрэ чIыпIитIур зыIыгъ командэхэу «Урожаимрэ» ыкIи «Юностымрэ» зэIукIэщтых. Футболыр зыгу рихьыхэрэм ашIогъэшIэгъонэу лъыплъэщтых Денис Павловым («Урожай») ыкIи Iэщэ Анзор («Юность») Iэгоо пчъагъэу къэлапчъэм дадзэн алъэкIыщтым. Джырэ уахътэм мыхэм Iэгоо тфырытф дадзагъ.

Мы мэфэ дэдэм зэIукIэщтых «МГГТК АГУ» ыкIи «МФОК Ошъу­тен», «Картонтара-Шытхьал» ыкIи «Кавказ», Ермэлхьаблэ къэзыгъэ­лъэгъорэ «Зэкъошныгъэр» командэу «ИФК и дзюдо АГУ» зыфиIорэм дешIэщт.

Командэхэр зыдэщыт чIыпIэхэр ыкIи очко пчъа­гъэу рагъэкъу­гъэр:

1. «Урожай» — 12. 2. «Юность» — 8. 3. «МФОК Ошъутен» — 7. 4. «ИФК и дзюдо АГУ» — 6. 5. «Кавказ» — 4. 6. «Зэкъошныгъ» (Ермэл­хьабл) — 4. 7. «Картонтара-Шытхьал» — 3. 8. «МГГТК АГУ» — 1.