Къэралыгъо фондэу «Хэгъэгум иухъумакIохэр» зыфиIо­рэм ишъолъыр къутамэу икIыгъэ илъэсым Iоныгъом и 1-м Адыгеим къыщызэIуахыгъэм ипшъэрылъ шъхьаIэр хэу­шъхьафыкIыгъэ дзэ операцием хэлажьэхэрэм, ащ хэкIо­дагъэхэм, ахэм яунагъохэм яфэшъошэ IэпыIэгъу ягъэгъо­тыгъэныр, хэкIодагъэхэм яшIэжь гъэпытэгъэныр ары.

2023-рэ илъэсым шъолъыр фондым Iофэу ышIагъэм кIэкIэу игугъу къэтшIын. Ар загъэпсыгъэм къыщыубла­гъэу нэбгырэ 1317-мэ зыкъыфа­гъэзагъ, гумэкIыгъо зэфэшъхьафхэм япхыгъэу Iофыгъо 2255-рэ къырахьы­лIагъ, ащ ипроцент 80-р афызэшIуахыгъ.

Шъолъыр фондым иIофшIэн илъэныкъохэм ащыщ хэушъхьафыкIыгъэ дзэ операцием хэкIодэгъэ ветеранхэм яшIэжь ыкIи лIыхъужъныгъэу зэрахьагъэр гъэлъэпIэгъэнхэр. Ащ къыдыхэлъытагъэу икIыгъэ илъэсым респуб­ликэм мыжъобгъуи 9, «ЛIыхъужъым ипарти» 3 къыщызэIуахыгъ.

Джащ фэдэу Iофтхьэбзэ зэфэшъ­хьафи 100 шъолъыр фондым ригъэ­кIокIыгъ: ЛIыхъужъныгъэм иурокхэр, хэушъхьафыкIыгъэ дзэ операцием иве­теранхэр къызхагъэлэжьэгъэ мастер-классхэр, шIэжьыр гъэпытэгъэным епхыгъэ зэхахьэхэр, нэмыкIхэри. Ахэм пстэумкIи кIэлэеджэкIо 1500-м ехъу ахэлэжьагъ.