ИлъэсыкIэр къэбарышIухэмкIэ мыгъэ тыублагъэ. 2024-рэ илъэсым иапэрэ сыхьатхэм, чэщым сыхьатыр 12-м ыуж, Адыгеим сабыи 5 дунаим къыщытехъуагъ. ЗэкIэри пшъэшъэжъыех.

Апэрэр, Къэлэшъэо Миланэ цIыкIур, сыхьатыр 3:20-м къэ­хъугъ, килограмми 3-рэ грамм 510-рэ къыщэчыщтыгъ, сантиметрэ 52-рэ илъэгэгъагъ. Ащ янэу Къэлэшъэо Саидэ тыгъэгъа­зэм и 1-м сабыир къыфэхъунымкIэ пIалъэр фагъэуцугъагъэ­ми, илъэ­сымкIэ апэрэ хъуныр ыгу къэкIыгъахэп. Миланэ цIы­кIур унагъомкIэ я 3-рэ пшъашъ.

Пшъэшъэжъыехэм анэмыкIэу щылэ мазэм и 1-м къэхъу «зы­шIоигъохэр» мымакIэу къы­чIэ­кIыгъ. ПстэумкIи а мафэр екIыфэ Мыекъуапэ иперинатальнэ гупчэ сабый 14 къыщы­хъугъ, ахэм ащыщэу 5-р шъэ­ожъыех. Пстэуми япсауныгъэ изытет дэгъоу сымэджэщым чIатхыкIыжьы— гъэх, яунэхэм ары­фэжьыгъэх.

ПстэумкIи 2023-рэ илъэсым сабый 4356-рэ республикэм къыщыхъугъ. Ахэм ащыщэу 1457-р апэрэ лъфыгъэх, 1308-р унагъомкIэ я 2-х, 1591-р ящэ­нэ­­рэх ыкIи ащ къыкIэлъыкIо­хэрэр.