Адыгэ Республикэм щыпсэухэрэ чыристанхэу лъытэныгъэ зыфэтшIыхэрэр!

Христос къызыхъугъэ мафэм фэшI тышъуфэгушIо!

Мы мэфэкI нэфым тищыIэныгъэ анахьышIоу хэлъыр: шIошъхъуныгъэр, гукIэгъур, шIушIэныр тыгу къегъэкIыжьых, цIыфыгъэ шэпхъэ дахэхэу тызэрыгъозэн фаехэр пытэнхэм ар фэлажьэ. Ащ цIыфхэм шIум инэф, гугъапIэм иIэшIугъэ къалъегъэIэсы, агукIэ нахь къабзэ ешIых, язэкъошныгъэрэ язэгурыIоныгъэрэ егъэпытэх. А мэхьанэшхо зиIэ лъэныкъохэм тицIыфхэр ренэу арэрэгъуазэх, Адыгеимрэ Урысыемрэ яхэхъоныгъэкIэ лъэпсэ пытэу орэхъух! ТичIыпIэгъу лъапIэхэр, тыгу къыддеIэу зэкIэми тышъуфэлъаIо псауныгъэ пытэ, насып, щыIэкIэшIу шъуиIэнэу, шъуиунагъохэм шIулъэгъурэ зэгурыIоныгъэрэ арылъынэу, тиреспублики, хэгъэгуми яфедэ зыхэлъ ублэпIэ пстэуми гъэхъагъэхэр ащышъушIынхэу!

Адыгэ Республикэм и ЛIышъхьэу, Урысые политическэ партиеу "Единэ Россием" и Адыгэ шъолъыр къутамэ и Секретарэу КъумпIыл Мурат   

Адыгэ Республикэм и Къэралыгъо Совет -- Хасэм и Тхьаматэу Владимир Нарожнэр