ИлъэсыкIэ хъяр шъутехь!
Адыгэ Республикэм щыпсэухэу лъытэныгъэ зыфэтшIыхэрэр! ТичIыпIэгъу лъапIэхэр!
2024-рэ ИлъэсыкIэм фэшI тышъуфэгушIо!
Гуфэбэныгъэ зыхэлъ мы мэфэкIым ехъулIэу илъэсэу икIырэм икIэуххэр зэфэтэхьысыжьых, гухэлъыкIэхэр тиIэхэу пшъэрылъхэр зыфэтэгъэуцужьых.
Адыгеим итарихъ 2023-рэ илъэсыр зэрэхэхьащтыр Iофышхо зыщыдгъэцэкIэгъэ, тизыкIыныгъэ зыщыдгъэпытэгъэ, Урысыер нахь зэтегъэпсыхьагъэ хъуным ткIуачIэ зыщетхьылIэгъэ, республикэмрэ хэгъэгумрэ апашъхьэ пшъэрылъэу зыфэдгъэуцужьыгъэхэр гъэцэкIагъэ зыщыхъугъэхэ илъэсэу ары.
Урысые Федерацием и Президентэу Владимир Путиным, Урысыем и Правительствэ, Федеральнэ ЗэIукIэм яIэпыIэгъу хэлъэу инфраструктурэм хэхъоныгъэ егъэшIыгъэнымкIэ, социальнэ-экономикэ лъэныкъомкIэ итхъухьагъэхэр гъэцэкIагъэ хъунхэмкIэ, цIыфхэм ящыIакIэ зыкъыIэтынымкIэ Адыгеим пшъэрылъышхохэр щызэшIохыгъэ хъугъэх.
Мы Iофышхом зэкIэ хэлэжьагъэхэм, зишIуагъэ къэзгъэкIуагъэхэм тызэрафэразэр къэтIонэу тыфай. Илъэсэу къихьащтми проектыбэ зэшIотхын фаеу къытпыщылъ, Адыгеимрэ Урысыемрэ яфедэ зыхэлъ, мэхьанэшхо зиIэ Iофыгъуабэ тапэкIэ къэт. 2024-рэ илъэсым мэхьанэшхо зиIэ политическэ хъугъэ-шIагъэ къытэжэ — Урысые Федерацием и Президент ихэдзынхэр щыIэщтых. Хэгъэгум къырыкIощтыри, къэралыгъом хэхъоныгъэу ышIыщтыри, обществэм зыпкъитыныгъэу хэлъыщтыри, цIыфхэм щыIакIэу яIэщтыри зэлъытыгъэщтхэр тэ зытетыубытэщтыр ары.
Тэ зэкIэми тыфай Урысыер зэтегъэпсыхьэгъэ къэралыгъо кIочIэшхоу щытынэу, тиунагъохэр пытэнхэу ыкIи насыпышIонхэу, сабый щхы макъэр унэхэм къарыIукIынэу, дунаир мамырэу, щыIэкIэшIу яIэу цIыфхэр псэунхэу.
Илъэсэу къихьащтым гушIогъуабэ къыздерэхь, гъэхъэгъакIэхэм яилъэсэу орэхъу!
ТичIыпIэгъу лъапIэхэр, тыгу къыддеIэу зэкIэми тышъуфэлъаIо псауныгъэ пытэ, щыIэкIэшIу шъуиIэнэу, шъуигухэлъ дахэхэр къыжъудэхъунхэу!
Адыгэ Республикэм и ЛIышъхьэу, Урысые политическэ партиеу «Единэ Россием» и Адыгэ шъолъыр къутамэ и Секретарэу КъумпIыл Мурат
Адыгэ Республикэм и Къэралыгъо Совет — Хасэм и Тхьаматэу Владимир Нарожнэр