Адыгэ Республикэм мылъку зэфыщытыкIэхэмкIэ и Комитет иунашъу
Мысатыу организациехэм мылъкумкIэ яфитыныгъэхэр хэмытхэу, Адыгэ Республикэм икъэралыгъо мылъкоу джыри зыми фэмыгъэзагъэхэм ыкIи социальнэ Iофтхьабзэхэр зезыхьэрэ мысатыу организациехэм яунэе мылъкоу ыкIи (е) агъэфедэнэу аратын алъэкIыщтхэм яспискэу Адыгэ Республикэм мылъку зэфыщытыкIэхэмкIэ и Комитет 2019-рэ илъэсым мэзаем и 6-м ышIыгъэ унашъоу N 54-р зытетымкIэ аухэсыгъэм зэхъокIыныгъэ фэшIыгъэным ехьылIагъ
1996-рэ илъэсым щылэ мазэм и 12-м аштэгъэ Федеральнэ законэу N 7-р зытетэу «Мысатыу организациехэм яхьылIагъ» зыфиIорэм ия 31.1-рэ статья, Адыгэ Республикэм иминистрэхэм я Кабинет 2014-рэ илъэсым тыгъэгъазэм и 25-м ышIыгъэ унашъоу N 311-р зытетэу «Къэралыгъо мылъкоу джыри зыми фэмыгъэзагъэхэм ыкIи социальнэ Iофтхьабзэхэр зезыхьэрэ мысатыу организациехэм яунэе мылъкоу ыкIи (е) агъэфедэнэу аратын алъэкIыщтхэм яспискэ зэрэзэхагъэуцорэ ыкIи шIокI имыIэу къызэрэхаутырэ ШIыкIэм ехьылIагъ» зыфиIорэм адиштэу:
1. Адыгэ Республикэм мылъку зэфыщытыкIэхэмкIэ и Комитет 2019-рэ илъэсым мэзаем и 6-м ышIыгъэ унашъоу N 54-р зытетэу «Мысатыу организациехэм мылъкумкIэ яфитыныгъэхэр хэмытхэу, Адыгэ Республикэм икъэралыгъо мылъкоу джыри зыми фэмыгъэзагъэхэм ыкIи социальнэ Iофтхьабзэхэр зезыхьэрэ мысатыу организациехэм яунэе мылъкоу ыкIи (е) агъэфедэнэу аратын алъэкIыщтхэм яспискэ ухэсыгъэным, Адыгэ Республикэм мылъку зэфыщытыкIэхэмкIэ и Комитет ишэпхъэ-правовой акт заулэмэ кIуачIэ ямыIэжьэу лъытэгъэным яхьылIагъ» зыфиIорэм зэхъокIыныгъэ фэшIыгъэнэу, мы унашъом игуадзэ диштэу гуадзэр къэтыгъэнэу.
2. Адыгэ Республикэм мылъку зэфыщытыкIэхэмкIэ и Комитет къэралыгъо мылъкум игъэфедэнкIэ иотдел (З.А. Пэнэшъу) гъунэ лъифынэу:
2.1. Мы унашъор гъэзетхэу «Советскэ Адыгеим», «Адыгэ макъэм», гуадзэхэр игъусэхэу Адыгэ Республикэм икъэралыгъо хабзэ игъэцэкIэкIо къулыкъухэм яофициальнэ интернет-сайтэу http: www.аdyghеyа.ru зыфиIорэм къарагъэхьаным.
2.2. Мы унашъор официальнэу къызыхаутырэ нэуж зы мафэм къыкIоцI ащ икопие Адыгэ Республикэм и ЛIышъхьэрэ Адыгэ Республикэм иминистрэхэм я Кабинетрэ я Администрацие IэкIэгъэхьэгъэным.
3. Мы унашъор зэрагъэцакIэрэм Адыгэ Республикэм мылъку зэфыщытыкIэхэмкIэ и Комитет итхьаматэ игуадзэу Т.В. Непочатовам гъунэ лъифынэу.
Комитетым итхьаматэу И.П. Бочарникова
къ. Мыекъуапэ, тыгъэгъазэм и 15, 2023-рэ илъэс N 517
Распоряжение 517 от 15.12.2023