ЦIыфхэр къэзыгъэнэжьырэ къулыкъухэм ащылажьэхэу лъытэныгъэ зыфэтшIыхэрэр! Шъуисэнэхьат епхыгъэ мэфэкIымкIэ — Урысые Федерацием икъулыкъухэу цIыфхэм якъэгъэнэжьын фэгъэзагъэхэм яIофышIэ и МафэкIэ тышъуфэгушIо!

ЧIыопс, техногеннэ тхьамыкIагъохэм цIыфхэр ащыухъумэгъэнхэм, мэхьанэшхо зиIэ псэуалъэхэр щынэгъончъэнхэм япхыгъэ зигъо пшъэрылъхэм язэшIохынкIэ цIыфхэр къэзыгъэнэжьырэ къулыкъухэм зи къызытырагъанэрэп.

КъэгъэнэжьакIохэр цIыфхэм IэпыIэгъу афэхъунхэу, ошIэ-дэмышIэ тхьамыкIагъохэм апэуцужьынхэу, чIыопс, техногеннэ нэшанэ зиIэ тхьамыкIагъохэм гумэкIыгъоу къыздахьын алъэ­кIыщтым къыкIырагъэчынэу сыдигъуи хьазырых. IэпэIэсэныгъэшхорэ гукIэгъурэ зыхэлъ мыщ фэдэ цIыф лIыбланэхэм обществэм осэшхо афешIы, зищыIэныгъэ къагъэнэжьыгъэ цIыфхэр ахэм афэразэх.

Адыгеим икъулыкъухэу цIыфхэм якъэгъэнэжьын фэгъэзагъэхэм яIофышIэхэми, яветеранхэми яIоф зэрэфэшъыпкъэхэм, тиреспубликэ ихэхъоныгъэ яIахьышхо зэрэхашIыхьагъэм, псэемыблэжьныгъэ ин зэрахэлъым афэшI лъэшэу тызэрафэразэр къэтэIо.

Ныбджэгъу лъапIэхэр, псауныгъэ пытэ, щыIэкIэ-псэукIэ дэгъу шъуиIэнэу, шъуиунагъохэм насып арылъынэу, шъукIуа­чIэ къыкIимычынэу, шъуиIофшIэнкIэ гъэхъагъэхэр шъушIынэу тышъуфэлъаIо!

Адыгэ Республикэм и ЛIышъхьэу, Урысые политическэ партиеу «Единэ Россием» и Адыгэ шъолъыр къутамэ и Секретарэу КъумпIыл Мурат

Адыгэ Республикэм и Къэралыгъо Совет — Хасэм и Тхьаматэу Владимир Нарожнэр